مش عارف مالي
كلي برتعش
رتبت اوراقي كلها وعملت شويه ملفات ممتازه بصراحه يعني مجهود أستحق اني اكافيء نفسي عليه بنجمه ذهبيه بس مش عارف ليه مش مبسوط برضه
عملت مجهود ذهني عشان مفكرش وعملت مجهود بدني عشان أحس بالتعب وده يلهيني
أنا أتلهيت؟
أشك
أحمد وصل من شويه أكيد هو السبب في الحاله دي لأني قبل ما يوصل مكنتش حاسس بأي حاجه كنت بشتغل وكل تركيزي في الشغل
يارب أرحمني
مكالمتنا يوم الخميس كانت طويــــــــــــله وغريبه وكل الصفات اللي في الدنيا ما عدا الصفات الكويسه
هو عايز مني أيه؟
عايز مصلحتي؟
أشك
الخوف
الخوف أحساس فطري ولا مكتسب
أقصد الخوف الغير مبرر مش الخوف المبرر
الخوف الغير مبرر حتى مش الخوف من المستقبل أو التقرب لحدث
بس الخوف بدون أي سبب
ساعات أحس أنه حاجه خاصه بيا أنا مش مرتبطه بظاهره عامه
هو صح ان الواحد يخاف من غير اي سبب أطلاقا
أشك
ليه بضايق الناس وانا قاصد
مش وانا قاصد اوي بس مش بكون حابب اتصرف من ورا قلبي
مش من ورا قلبي أوي بس أن ميكونش تصرفي أنا حاسه تماما
هو صح أن الواحد يعرف ان تصرفه بيجرح حد وبرضه يتصرفه
أشك
على الهامش
كان نفسي أكون حد كويس بس للأسف مقدرتش كالعاده
6 comments:
السلام عليكم
عاوزة أقولك علي حاجة انت مش هاتقدر تكون حد كويس لأنك فعلا حد كويس فمتحاولش لأنك هاتنتهي للأنت عليه وهو انت فعلا حد كويس
يمكن مفيش بينا تعامل مباشر بس كفاية أوي البلوج بتاعك وكفاية سؤالك عن أصحابك والناس اللي بتحبهم
انا الحمدلله نجحت بتقدير أمتياز في امتحان التيرم الأول بتاع التمهيدي أحنا عندنا تيرم
ويارب يتم فضله عليا وأخلص التيرم التاني علي خير
أنا ها أنزل بوست قريب جدا بس علشان انت طلبت مني دا :)بجد
وبجد ربنا يكرمك ويعزك
تعرف بوست "أبتسم حتي يري الله أبتسامتك
أن انا كتبته وبعد ماخلصته ماصدئتيش أن الكلام دا كلامي
علي فكرة والله دا بيبئي توفيق وفضل من عند ربنا مش من عند حد تاني
ربنا مايحرمك من ابتسامتك أبدا وتكون دايما من القلب وأحنا معاك
سلام بئي
تعرف انى اول ماقريت كلى بترعش دى استغربت لانى كنت لسه حاسه بكده بفخيل ليا لثوانى انى شفت افكارى :)
تقريبا انت مش حسيت بتغيير لما عملت اللى قلت عليه لانكعملته علشان تتلهى مش علشان انت عايزتعمله لانك لو بتعمله علشان عايز كنت اتبسطت اوى انك انجزته بشكل كويس
بلاش تشك ان احمد عايزمصلحتك علشان بس تقدر تتعامل معاه مش تفضل تعبان من مجردوجوده فى حياتك
مافهمتش اى نوع من الخوف تقصد؟
"هو صح أن الواحد يعرف ان تصرفه بيجرح حد وبرضه يتصرفه"
لا غلط طبعابس الوصف اللى انت وصفته مش دقيق اوى مع الجمله دى لان الوصف حاجه صح جدا انما الجمله لطجدا وانا فاهماك جدا جدا:) بس انت صح خليك كده
بالنسبه للهامش
ربنا يسامحك هفضل اعلم فيك لحدامتى؟ :)
على فكره هو قالك انت شرقاوى مش علشان الكلمه اللى قلتها انما علشان كلمه"مش" معروفه منذ قديم الازل انها شرقاويه بحته طب تقول ايه انى مره كنت بتكلم مع واحدمدون وبيشتغل فى السعوديه فقالى هوانتى شرقاويه قلتله اه ليه؟ قالى اصلك بتقولى "مش"
:)
السلام عليكم
يكفيك شرف المحاولة والاعتراف بان فيهغلط يمكن يكون مش غلط في وجهة نظر اخرى
انما فيه غيرك كله غلط وفاكر ان دة صح الصح
فكرك مين افضل؟؟
خصوصا وانك بتحاول تتغير
انا اشك اذن انا موجود
بس انا افكر اذن انا موجود انا بفضلها اكتر
ربنا ينوربصيرتك دوما
تحياتي
عليكم السلام ورحمة الله وبركاته
الله يخليكي يارب بس أنا بجد حد مش كويس
الف مبروك للتيرم الأول وعقبال التاني ان شاء الله
أنا شفت فعلا البوست الجديد
على ذكر بوست أبتسم كان لسه واحد تاني من الزملا أمبارح بيكلمني عنه وقالي اول مره أقرا الكلام اللي انت معلقه ده وهو فعلا صح جدا وكان حوار عن البوست بس متقلقيش انا صححتله غلطه وعرفته اني مش ممكن اكتب الكلام الرائع ده
تعرفي اني لما طبعته كان في بعض الجمل خلتها بخط اكبر عشان نظري الضعيف يجبها من على بعد الورقه ومن الجمل اللي كبرتها
قد تعني ابتسمتك للآخرين أمل ولكنها تعني لك حياه
عزيزتي حبيبه
تعرفي انا ساعتها عملت أيه؟
صليت العصر وساعتها لاقيت عندي قوه اني اغادر مكاني واروح من الشركه واستغربت اني اول ما نزلت الشارع لاقيت الابتسامه فوق شفايفي ومش الابتسامه اللي بتكون في الجيب للطوارء ولكن الابتسامه الطبيعيه
هو انا ساعتها بصراحه ما كنتش مبسوط من الملفات اوي بس أكيد كنت مبسوط لما في الكورس الانستركتور اثنى على نظامهم وترتيبهم
أحمد بقى قصه كبيره مش عارف انا اللي كبرتها ولا هي اللي كبيره وخايف في يوم مقدرش اتكلم كمان عنها هنا زي مابقيت مش بقدر اتكلم عنها في الواقع بس اهو النهارده يوم جديد وهو في مكتبه وفاصل بينا كم متر وربع حائط والحمد لله متمالك نفسي وبكتب وبفكر وبشرب ميه كمان :)
الخوف اللي من غير سبب
اللي مهما دورتي جواكي عن سبب ليه مش هتلاقي ومع ذلك تفضلي خايفه
عزيزتي عاشقه النقاب
عليكم السلام ورحمة الله وبركاته
تعرفي اني زمان كنت بقول على الناس الغلط واللي مش شايفين فنفسهم الغلط انهم بيتمتعوا بالسلام الداخلي اللي كتير من الناس بيحلموا بيه حتى وان كان سلام خادع
على ذكر أنا أفكر أذن أنا موجود بقالي فتره لازق في لساني جمله واحده أنا مش بفكر عشان أنا مش عندي مخ أصلا
شكلي هبدأ أصدقها في نفسي
شكرا بجد على الدعوه
نورتيني
Post a Comment