Monday, March 12, 2018

12032018

مبقتش بعرف أكتب
لأ على ورق ولا هنا
ولا في مكان
انا وخديجه قافشين بقالنا يومين
من يوم ما رجعنا من زياره بابا
متضايق ومش عارف حتى اعبر عن اللي جوايا هنا
متضايق من عدم ترتيب البيت
البيت على طول مبهدل
لأ
مش عاوز اكتب عن ده
انا مخنوق
مش عارف فعلا اخرج اللي جوايا
مش عارف اتكلم عنه ولا اكتب عنه

Saturday, September 28, 2013

فضفه

مش عارف أعمل أيه في نفسي
متضايق أوي
مخنوق أوي
وحدي أوي
مش عارف أعمل أيه
ساعات برجع أفكر تاني في الموت
مش عايز اعيش في الدنيا دي
مش طايق نفسي
مخنوق أوي
بكره نفسي
وبكره تصرفاتي
كل يوم اقول بكره مش هغلط نفس الغلطات تاني
مش هفكر نفس التفكير تاني
مش هكون نفس الشخص تاني
أنا بكرهني أوي
متضايق أوي
يارتني ما جيت النهارده
يارتني كنت فضلت في البيت


Wednesday, September 25, 2013

مش عارف

أمبارح كنت بفكر أني وحاتم مبقناش بنتكلم زي الأول
أكتفى أنه يبعت على واتس اب كل سنه وانت طيب ومتكلمناش
مبقناش بنخرج زي الاول
اتفقنا قبل كده وقلنا الاسبوع ده مهما حصل لازم نخرج حتى لو هنشتري اي حاجه ونروح
والنهارده الاربعاء ومخرجناش
وبكره انا عند شيؤين
وبعده الجمعه ميعادي للف على الشقق
والسبت هخرج مع خديجه
والأسبوع خالص
واصلا الأحد فرح أمير
مبزعلش منه بس أحساسي بالوحده بيزيد
متضايق أوي

مفروض أكون جنبه عشان الميتنج بتاع يوم الأتنين اللي مش عاوز يروحه
ومش قادر
مبقتش بسأل عليه ولا أطمن على أخباره زي الأول
وطول الوقت بقفش عليه وأحساسه أني زعلان زي دلوقت
وبعدين أرجع أشتكي من الوحده

أنا تعبت من نفسي أوي

متضايق

متضايق اوي دلوقت
متضايق لدرجه اني بعد ما فتحت الورقه دي مش قادر اكتب

Saturday, September 21, 2013

وحدي

حاسس أني لوحدي
كتير بحس بكده
مش علشان بنزل لوحدي
أو بلف لوحدي
أو بخرج لوحدي
أو بتكلم لوحدي
عارف أنه غلط أني أفكر كده
وعارف أني شكاي
وعارف أن يمكن ده مش وقتي
بس برضه غصب عني بزعل
كل مره أكون فيها لودحي
رغم أن الوحده أختياري مش قدري
الوحده نتيجه أفعالي
 يارب ساعدني