حبيبي
وحشتني
لأ مش وحشتني بس
وحشتني اوي
تعرف اني بحبك
يمكن متعرفش
لأنك لو تعرف مكنتش زعلت
تعرف انك اكتر حد بحبه من البشر
أنت يمكن متعرفش أني لو هختار حاجه فيها مصلحه ليا فهختارها عشانك انت وليك انت مش ليا انا
حتى عيوني مش بتشوف في اوقات كتير غيرك انت
تعرف ان السويت شيرت اللي لابسه دلوقت اشتريناه سوا
والبنطلون كمان
قدام عيوني الجاكيت البني اللي برضه اشترناه سوا
والشنطة الكحلي اللي اخترناها سوا
جنبي على السرير كوكي اللي اشترتهالي بمناسبه شغلي الجديد
وبكتب على بندق اللي دفعت فلوسه بأيديك وأستلمته من الراجل بنفسك
أنا مخنوق أوي
وحشتني
انت عارف لما قلتلي نتقابل وانا مردتش وقلتلي انك مش هتعمل حاجه غصب عني
مزعلتش منك زي كل مره
المره دي بس كنت فاهم
انا مخنوق اوي دلوقت
تعرف ان دلوقت يبقى عدى علينا عشر ايام مش بحكيلك حاجه
لأ حكيتلك مره على زيارتي للمعهد وعلى زيارتي لأحمد اليوم اللي قبلها
سألتني ليه اللي بيحصل
عارف ليه؟
عشان مع أحمد شفت انا ايه ده كنت بغلط فيك
عارف كل ما أحمد كان يعمل تصرف وبعد كده يقول أن كل اللي عايزه اني اكون مبسوط
كنت بشوف انا ظلمتك اد ايه
فاكر لما مره قلتلي اني مش بفتكرلك غير المواقف الوحشه وبس يومها معلقتش بس كان نفسي اقولك فاكر المره اللي كنت نازل اقابل فيها دكتور احمد وانت منعتني
مش بنسى اليوم ده عمري
كنت ساعات بقول مش هيقدر هيجيلي الشركه ده دلوقت ليه الحق انه يدخلها في اي وقت وهيجي ويشوفني وبعدها اقول يارب ما يعمل كده
ساعات كنت أقول دلوقت هيجي يخبط على الباب عشان يشوفني وبعدين ارجع اقول مش هيعمل عمره كده
أنا مخنوف اوي
وحشتني
2 comments:
هو أكيد بيحبك أكتر
مش بيعرف يعبر بس هو بجد بيحبك جدا
و لما بتكون زعلان منه بيكون متدايق جدا جدا جدا. بس طبعه مش بيقول زي ما انت بتحكي
حاول تاني
مينفعش انتو الاتنين تبقوا متدايقين كدة
حاول بجد. ربنا يسعدك انت و صاحبك
عزيزتي فراشه
أنا عارف ان مشكلتي اني بتكلم وبحاول دلوقت ابطل كلام بس معلش اصل اليوم امبارح كان شويه صعب
Post a Comment