الصيف

الصيف بدأ
أيوه الصيف بدأ ودي مش أشاعه ولا أوهام في خيالي ده واقع اتأكدت النهارده اني بعيشه وهعيشه لو ربنا اداني العمر لشهور طويله قدام
الصيف بدأ فجأه وانا مكنتش مستعدله واتاري العم هاري كان أنصح مني لما أخد أجازته السنويه وقرر انه يقضي الاسبوع ده في الغردقه والاسبوعين الجايين في المانيا ونسي انه سايب وراه ناس مش بتستحمل

أتأكدت أن الصيف بدأ لما لاقتني بفكر وانا في المترو في نفس الفكره اللي بتزورني في بدايه كل صيف وانا بركب المترو وبتخيله مكيف ومش أي تكييف لأ ده تكييف بيخرج هواء معطر ومع كل تذكره واحد بيقطعه يسلموه معاه البادي سبراي ولايحه التعليمات اللي مكتوب فيها بالخط العريض أحذر من تعليق ايديك وشعلقتها لفوق عشان بيكون في ناس بتعاني تحت والسنه دي حلمت انهم زودوا جزء مخصوص عشاني عشان انا زبون دائم للمترو ولازم أحظى بعنايه خاصه وهي تنبيه على كل الركاب عدم الاقتراب او محاوله فتح باب للحوار او اللمس وخاصه اللمس عشان الجو حر والواحد مش ناقص
هو بصراحه مش كل الناس بتكون حالتها دايما صعبه معايه لأني والحق يقال كنت في الميكروباس واذ بي افاجىء بواحد هيقعد جنبي ولا ممكن ابدا اغلط في الرائحه اللي انا شممها وكان نفسي اسلم عليه واحضنه واقوله هو انت بتستخدم شاور جل لوكس مش كده وقبل ما حد يقول حاجه انا بقول من البدايه اهو وبعلو صوتي
ايوه انا بستخدم شاور جل لوكس مش بس كده أنا كمان بفضله بالفراوله والكريمه اللذيذه وان كنت لغايه دلوقت مش عارف هما كاتبين كده على العلبه عشان يغيروا الناس انهم يتذوقوا ولا أيه؟؟
بس انا عندي سؤال هو ليه الذل لينا كده من زمان يعني صانسيلك لغايه دلوقت مش معترفين ان في راجل ممكن يستخدمه ولسه فاكر اعلانات بيرت بلاس زمان وهي بتتصور انها بتعمل اعجاز لما صرحوا في اعلان وقالوا لكي وله وكأنه ده فضل منهم انهم يسمحوا للراجل انه يستخدمه وحتى لما هيد اند شولدرز بعدها زاد الطين بله وقال ان الراجل مش ممكن يستعمل الشامبو الا لو كانت فروه رأسه ملجأ للقشره وان الحل عندهم وان كنت اعتقد ان ده أكيد كان اعلان اللي اقترح فكرته واحده ست عشان توحش صورتنا اكتر
بس انا ولا بيهمني بشطب من على كل العلب حرف الياء في نهايه كل جمله واخليها استخدم اللوفه الاسفنجيه او ضع ما مقداره ملعقه صغيره وان كانت الجمله دي بتنرفزني لأن ملعقه صغيره لا تكفي وبعدين افتكرت انهم عشان كانوا كاتبين ضعي ملعقه صغيره وان مفروض بعد ما حذفت الياء ازود كمان ملعقه عشان الولد نصيبه الضعف طبعا
وبالعند في كل شركات الشامبو اصبحت باستعمل الشامبو الوحيد المخصص للرجل وان كان نفسي اقولهم حرام عليكم هو عشان الشامبو مخصص للراجل لازم تبقى ريحته لا تطاق كده ده انا حتى فكرت استخدم شامبو كلير للمرأه عشان أتأكد هو في تفرقه ولا هي سياسه الشركه ان الشامبو لازم يكون ريحته وحشه
بصراحه هو مش الصيف مشكله كبيره كده ده بيكون فيه ميزه لأن الواحد بيشوف في المترو عينه جديده من البشريه غير الطلاب اللي بيكونوا مليين المترو طول الشتا ومش وراهم غير سيره الدكاتره وكلام من عينه الدكتوره دي لسنها طويل أه صدقيني انا بنت عمتي كان ليها موقف معاها او الدكتور الفلاني ده عثل والله عثل بس لو يدرسلنا من غير امتحانات ودي طبعا عينه من كلام البنات لكن الولاد في المترو مش بيتكلموا عن الدكاتره لأنهم يبيكونوا بيتكلموا مع البنات يا عن البنات
ومن امثله العينه الجديده الزوج والزوجه اللي شفتهم وانا في المترو
اصل اان كنت لا بيا ولا عليه ببص لاقيت اتنين داخلين ومعام ولد رضيع بس زي القمر وأول ما شفتهم قلت دول عرسان جداد وده اول مولود هتسألوني أزاي عرفت؟
هقولك مش محتاجه فكاكه مني أصل المدام كانت واكله صباع روج كامل ومخلصه على الاقل علبتين فونداشن اما العريس فكان طول الوقت بيبص في عنيها وهي بتتكلم وكأنها هتخلص او هو اللي هيودع بعد شويه فعايز يشبع منها وطبعا عرفت ان الولد كان المولد الأول مش عشان هما عرسان جداد وبس ولكن عشان كان الراجل هو اللي شيله وكل شويه يلعبه رغم ان الواد كان نايم ولسه اصلا في سن ميفهمش اللعب

مش الصيف احلى من الشتا بالذمه؟

حيره

مش عارف اخد قرار

هنا بيتي

هنا حياتي

هنا هويتي

هنا بكون مقيد

وبكون محمد

وبكون مادا

وبكون سمير

وبكون سمسه

هنا أنا كلي على بعضي

بس من يومين وتحديدا من يوم ما عرفت الهجوم الغاشم اللي حصل على المدونه وانا مش عارف اكتب

فكرت اعمل مدونه جديده وأكون فيها حد جديد غير دول كلهم

أكون فيها حد غير المهندس محمد سمير مهندس البترول بشركة السويس للزيت

بس مقدرتش انا بحب بيتي ده

بحب أكتب فيه

حتى لما قفلت المدونه حستني مخنوق مش مستحمل

بس انا لسه مش عارف اعمل ايه

حاسس اني مش قادر أكتب

مش قادر أعمل حاجه غير اني افكر

ياترى أطلب منه أنه ميدخلش بيتي ده تاني

طيب ما أنا طلبت قبل كده وايه اللي حصل

ياترى أتجنبه خالص ولا كأنه موجود

طيب ما ده اللي عملته النهارده وبرضه فضل يتصرف

مش عارف أكتب

لو كنت لسه موجود في الدونه لو سمحت أعرف أنك غير مرحب بيك هنا

هنا مش محمد اللي أنت تعرفه ومتحاولش تدور عليه هنا

دي اول مره اطلب حاجه بشكل شخصي

ارجوك سيبلي المكان هنا احس فيه براحتي

أصدقاء القطار

كل يوم بركب المترو في نفس الميعاد وفي نفس العربيه ومن نفس الباب وبالتالي بشوف تقريبا نفس الاشخاص والنهارده حبيت اني اسجل شويه من انطبعاتي عنهم عشان المستقبل محدش يعرف بكره مخبلنا ايه

عم سيد
سمعت أسمه بالصدفه من واحد كان بيسلم عليه مش عارف عم سيد بيشتغل ايه وفين بس الأكيد ان سنه لازم يكون فوق المعاش دلوقت
عم سيد شخصيه مميزه أبتداء من كتاب الأذكار اللي كل يوم بيقرا فيه من اول ما يقعد على الكرسي في انتظار مترو الساعه سته ونص تحديدا ولا مترو غيره ممكن يخليه يقوم من مكانه انتهاء بنزوله في محطة أحمد عرابي وانه مش ممكن يقوم من على الكرسي الا لما المترو يدخل المحطه بسلام
عم سيد مثال حي لشخصيه المصري القديم تمام في حاله تماما وملوش دعوه بأي حد او أي حاجه
حبيت عم سيد من أول مره شفته فيها رغم أني مش عاطفي للدرجه دي بس لما بيغيب بقلق عليه

المحاسب والمدرسه
مبدائيا دي البنت الوحيده اللي بتركب عربيتنا وده عشان عربيتنا هي العربيه الاولى بعد عربيات السيدات وبالتالي وجود أي بنت أو سيده فيها بيثير أستياء البعض بس هي بتركب العربيه دي مع المحاسب
طبعا أنا معرفش وظيفه حد منهم بس مش عارف ليه حسيت انه لايق عليها انها مدرسه في حضانه أو مدرسه ابتدائي وان هو محاسب ودي اسبابي لأعتقادي

هو دايما بيلبس كلاسيك ومش أي كلاسيك لأ الكلاسيك اللي يعقد ده القميص الفاتح مينفعش غامق والبنطلون الغامق مينفعش فاتح والحزام الرفيع مينفعش عريض والجزمه السودا اللي بتلمع واللي مينفعش تكون بني ولا ينفع يكون عليها ذره تراب والشراب الأسود الساده ومش لازم ننسى شعره لأن ده أكبر دليل بكميه الكريم اللي بتلمع فوقه واللي بتأكد أنه أكيد هيكون في التكييف طول اليوم بالاضافه طبعا للنضاره الشمس وعلبه السجائر في ايده

هي رغم كل الظواهر اللي بتأكد أنها طلبه جامعه أبتداء بالمحطه اللي بتنزل فيها وهي المحطه اللي بينزل فيها كل طلاب جامعه عين شمس مرورا باستيل اللبس اللي دايما بياكد أنها مش ممكن تتنازل عن ارتداء البنطلون مرورا بالحجاب اللي مش ممكن يكون طبقه واحده انتهاءً بأنها رغم نزولها من البيت الساعه سته الصبح بس أكيد لازم هتلاقي وقت لوضع مكياج خفيف يناسب فتره النهار بس كل ده كان بينهار قدام أصرارها على أنها كل يوم يكون معاها بأستثناء شنطة أيديها الكبيره نسبيا – واللي هي ممكن تكون بتقول انا لسه طالبه- أنها تمسك شنطه من أحد محلات الأزياء بتختلف كل يوم وبيختلف حجمها بس بتفضل موجوده وبيتهيألي مفيش طالبه جامعه هتحتاج كل يوم معاها شنطه زي دي

مش عارف هما مخطوبين ولا قرايب ولا جيران بس مش عارف ليه بشوف انهم مخطوبين وبشوف انهم خير أعلان عن فتره الخطوبه وانها مش زي ما بيصورها المتجوزين من أنها الفتره السعيده الوحسده في العلاقه ولا زي ما بيصورها المخطوبين من أنها كلها الحاح من الجانب الاخر على الخروج وعدم رغبه الآخر فيه

كل يوم ليهم خناقه وليهم صلح في الفتره اللي بين انتظارهم للمترو ونزولها هي منه لأنها هي اللي بتنزل وانا موجود وانا بنزل واسيبه هو موجود

أمبارح مثلا كان بيهددها أنه هيسيبها ويركب في عربيه تانيه لو فضلت مكشره
والنهارده كان بينهرها عشان كانت ليها صديقه في عربيه السيدات جنب الشباك فالمترو وهو ماشي قبل ما يقف عشان نركب شاورت هي باي باي لصاحبتها مش عارف ليه النهارده كان الموضوع مضايقه رغم انها بتعمل كده كل يوم

بحب أتفرج عليهم اوي بالذات في الايام اللي مش بيكون ليا فيها نفس للقرايه في المترو

صاحب الخاتم الدهبي
مش عارف ليه مكنتش مستريحله من اول مره شفته فيها حسيت أنه زي ما كانوا بيصوروا الشرير زمان في افلامهم الشعر المدهون واللي تحس ان أكيد ملمسه لزج والابتسامه الغريبه أو التكشيره الاغرب أو يمكن هو كرهي من زمان لشكل الدهب في ايد أي رجل بحس انه ملوش ذق وشكله مش حلو خالص

على الرغم ان الصبح بيكون في فالمترو ناس كتيره لابسه حاجات دهب بس بيفضل هو شكل الخاتم في ايده مضايقني مش عارف ليه

جدو

جدو بحس أني هكون نسخه منه لو ربنا مد في عمري بأستثناء أني أكيد مش هلبس بدله واحط منديل في الجيب اللي فوق واطلعه بالشكل الهرمي بس يمكن أيامها البس حاجات هي دلوقت موضه بس ساعتها مش هتكون

جدو جمعني بيه موقف من كم يوم وانا بلتفت فعيني وقعت في عينه فلاقيته سألني وقالي اللي هناك ده لابس بدله لواء بس اللواء مش هيركب معانا المترو كده طبعا هو شرف لينا بس هو ممكن يكون حد لابس بدله كده وخلاص انا عايز اخلي اي عسكري يقوله فين الكارنيه بتاعك فضحكت وقمت من على الكرسي قبل ما يدفعني انا اني اروح أسأل اللواء على الكارنيه

جدو أنا أحبه رغم انه لابس دبله دهب وانا مش بحب شكل الدبله الرجالي الدهب زي تمام كرهي للخواتم الدهب ورغم ان المره الوحيده الصبح اللي عيونا وقعت على بعض فدمدمت بصباح الخير فدمدم هو بصباح النور بس برضه بحبه
رغم انا احمد زميلي لو سمعني بقول بحبه هيقولي المرؤ مع من أحب

شيكولاته

مش عارف ليه دايما بيقولوا على الناس بتعت السودان أو جنوب أفريقيا أنهم شيكولاته رغم ان جدو الله يرحمه كان بيقول كان عبد حبشي أسود بس بيتهيألي لأن جدي كان متأثر بأفلام الأبيض وأسود بس شيكولاته هو طالب ثانوي تقريبا بيتكلم مصري لبلبل ومع ذلك لما ساعات يكون معاه أصحابه بيتكلم بلكنه غريبه برضه لبلبل

ساعات الصبح بيكون جاي وفي بين سنانه خله سنان مش عارف ليه بس بتخلي شكله غريب بيفكرني بالافلام الاجنبي وابطال السله اللي دايما بيكون ليهم طقوس وتصرفات غريبه

الأصدقاء الثلاثه

ثلات أصدقاء في منتصف الثلاثينات هزرارهم في الغالب صوته عالي وكلامهم في المرات اللي سمعته ممكن يكون فيه تلميح خارج بس بيعجبني لمتهم مع بعض رغم انهم ساعات بيكونوا جايبين معاهم كشري للفطار وده شيء بيعصبني عشان العربيه ساعتها بيكون كلها ريحتها كشري فبنزل منها عايز اخد دش عشان أضيع الريحه اللي بحس انها لزقه في هدومي أكتر مما لزقه في انفي

أنا مش عارف بيشتغلوا فين بس حسيت انهم مش ممكن يكونوا بيشتغلوا في مكان واحد لأن ساعتها بيتهيألي مكنوش هيفضلوا أصحاب

توأم

أتنين جدو كمان بس نسخه من بعض الشعر الابيض الوش المدور الابتسامه العريضه اللي نحسسك أن الراجل ده اكيد مش نازل من البيت بعد خناقه محترمه واللي يخليك متأكد أنه يأما أرمل يأما يندرج تحت فصيله أخرى من المتزوجين اللي بابا بينتمي ليها

صاحب البالطو

رغم أني مشفتوش من أكتر من أسبوع بس لسه فاكر شكله المميز بالبالطو المميز و ده غير عمو التاني اللي بيلبس بالطو المفتش كرومبو

أم الطفل

دول مش بيركبوا معايه المترو ولكن بشوفهم كل يوم بكون بعدي من على رصيف للتاني بأستخدام السلم طبعا وهي بتكون بتمر من على القضبان ومش عارف ليه مبتركبش العربيه الاولى في المترو فلما تعدي من على القضيب توصل للرصيف التاني عند باب الخروج لكن هي بتفضل أنها تركب العربيه الاخيره وتعدي من على القضيب وتمشي على الرصيف التاني كله لغايه ما توصل لبوابه الخروج

ابنها الصغير زي السكر يدوب بيمشي وبيمشي ماشيه زي الانسان الألي لأنه خايف ليقع وكنت بأستغرب هي ليه مش بتهون عليه الموضوع ومتمشيهوش المسافه دي كلها بس النهارده أستغرابي زال لما لاقيته كانت مستعجله فشيلته وهو فضل يصرخ عشان عايز يمشي

بفضل أفكر ياترى دلوقت هي هتوديه على مامتها قبل الشغل ولا هتأخده معاها الشغلولا هتسيبه في الحضانه وياترى فعلا ده هيكون في صالحه ولا أنهم يفضلوا سوا هيكون في صالحه وساعتها بفتكر أوي فاتيما ويوسف

الصديقتان

دول كمان مش بيركبوا معايا بيركبوا في عربيه السيدات اللي قبلي الغريبه اني فضلت فتره طويله افتكرهم شخص واحد لغايه ما في مره شفتهم سوا وعرفت أنهم أتنين

المميز فيهم واللي كان بيخليني افترك انهم نفس الشخص هو الحجاب الطويل جدا اللي بيكون واصل تقريبا لطرف الجيب واللي لونه ابيض شاهق

صاحبه بكر الشعر

أنا فضلت فتره طويله أستغرب هي أزاي نزلت من البيت ونسيت بكر الشعر ملفوف في شعرها لغايه ما في مره أخدت بالي أنه مش بكر شعر هي لفت الشعر بطرقه كأنه ملفوف على بكر لكن في الحقيقه مفيش بكر
بس السؤال ليه تعمل كده

صاحب النضاره الشمس

الراجل ده غريب مش بس عشان بيصمم يلبس النضاره الشمس جوه المترو لأ عشان كمان بيفضل يقرا في الجورنال اللي في ايديه ومش بيرفع عينه من عليه نهائي مهما حصل


تعبت من الكتابه دول عينه من أصدقائي اللي بشوفهم كل يوم

حكم وامثال

كنت فاتح المدونه نفسي كتب بالصدفه لاقيت الايميل ده عندي ولاقتني بفكر في جمله كتيربس للاسف مش هقدر اكتب عن تعليقي عن كل جمله دلوقت بس ده أكتر بوست هستنى أسمع كلامكم أنتم عليه

أجمل أمثلة الحضارة الإنسانيه

يوجد دائما من هو أشقى منك فأبتسم

There is always one who suffers more than you do, so you should be optimistic

يظل الرجل طفلاً حتى تموت أمه ، فإذا ماتت شاخ فجأة

A man will continue acting like a child until his mother's death, then he will age in a sudden

عندما تحب عدوك يحس بتفاهته

When you love your enemy is when he feels of his emptiness

إذا طعنت من الخلف فاعلم أنك في المقدمة

If you have been betrayed from behind the scene, then you should be proud because you are the only one who is in front

الكلام اللين يغلب الحق البين
The soft words are more powerful than the naked truth




كلنا كالقمر .. له جانب مظلم

We are all like the bright moon, we still have our darker side




لا تتحدى إنساناً ليس لديه ما يخسره

Don't challenge someone whao has nothing to loose Ne lance pas un




العين التي لا تبكي لا تبصر في الواقع شيئاً

The eye which doesn't know the meaning of tears, it doesn't know anything opf value





المهزوم إذا ابتسم أفقد المنتصر لذة الفوز

If the loser keeps his smile the winner will loose the thrill of victory.

لا خير في يمنى بغير يسار

No benefit of a right without a left

الجزع عند المصيبة، مصيبة أخرى

The panic from a catastrophe is another catastrophe

الابتسامة كلمة معروفه من غير حروف
The smile is a famous word without letters

اعمل على أن يحبك الناس عندما تغادر منصبك، كما يحبونك عندما تتسلمه

Be cheerful when gettin-out as when you coming-in

لن تستطيع أن تمنع طيور الهم أن تحلق فوق رأسك ولكنك تستطيع أن تمنعها من أن تعشش في راسك

You can't chase worries flying over your head but you can do preventing them from nesting in your head

إن بعض القول فن .. فاجعل الإصغاء فناً

Elocution is an art so let listening be a similar art

كون صداقة مع القرش ... لكن احذر أن يبتلعك
Dive with the shark but bewarre not to be swallowed

ذوو النفوس الدنيئة يجدون اللذة في التفتيش عن أخطاء العظماء

The demeanour will be thrilled in finding out a mistake of his great rival

إنك تخطو نحو الشيخوخة يوماً مقابل كل دقيقة من الغضب

Every minute of anger will get you one more year older.

المستحيل مستحيل ... لا يمكن أن يحدث

The impossible can never become possible

اللسان الطويل دلالة على اليد القصيرة

The gift of gab is a proof of jealousy

نحن نحب الماضي لأنه ذهب، ولو عاد لكرهناه

We have nostalgia for the past because it is gone. If it comes back we would hate it.

من علت همته طال همه
The one whose ambition is great so his worries

من العظماء من يشعر المرء فى حضرته أنه صغير ولكن العظيم بحق هو من يشعر الجميع في حضرته بأنهم عظماء

People feel small in the presence of some of the great personality, yet the greatest is the one who let all around him feel great as well

من يطارد عصفورين يفقدهما معاً
Celui qui chasse deux oiseaux en même temps il les perd tous les deux Chase two birds at the same time and you will loose both.

لكل كلمة أذن، ولعل أذنك ليست لكلماتي، فلا تتهمني بالغموض

For every word their is a listener and probably my words don't suit your ears. So please don't accuse me of being ambiguous

كلما ارتفع الإنسان تكاثفت حوله الغيوم والمحن
As more higher up one rises to as more clouds and problems will surround him.

لا تجادل الأحمق ، فقد يخطئ الناس في التفريق بينكما

Don't argue with an ignorant for it will be hard for people to differentiate between you

الفشل في التخطيط يقود إلى التخطيط للفشل

The failure in planning will lead in planning to failure

قد يجد الجبان 36 حلاً لمشكلته ولكن لا يعجبه سوى حل واحد منها وهو .. الفرار

The coward will find 36 solutions to his problem but the one will like most is fleeing

شق طريقك بابتسامتك خير لك من أن تشقها بسيفك
Better set your path with a smile than with a sword

من أطاع الواشي ضيَع الصديق

If you listen to the telltale you will lose the friend

إذا لم تكن تعلم أين تذهب ، فكل الطرق تؤدى إلى هناك

If you don't have an objective in life, any cause could be one

أن تكون فرداً في جماعة الأسود خير لك من أن تكون قائداً للنعام
Better being a cub in the family of Lions than being a king of the ostriches