كنت بطلت أكتب يومياتي هنا بس الاسبوع حافل بصوره كبيره
من يوم الأحد أبتدينا الكورس الجديد ولأول مره في تاريخ شغلي في الشركه يكون تدريبي مع كل زمايلي الاعزاء ونفضل سوا كل يوم من تسعه لخمسه وهو وقت الدراسه العادي وبتضطرنا الظروف للسهر احيانا لبعد تسعه فكان الموضوع شويه غريب وجديد
يوم الأحد
اليوم الأول في التدريب يعني الحيويه والنشاط
يعني الفرح والانطلاق
يعني ان الواحد ينجز المطلوب منه وفي وقت الى حد ما قياسي رغم غبائي
يعني ان الواحد ميفكرش في حاجه وحشه
يعني يوم سفر حاتم واضطراري اني اعيش اسبوع من غيره واحنا خلاص ما صدقنا الامور تصفى
يعني اول يوم اشوف احمد بعد انقطاع لفتره وراحه الى حد ما خلالها الواحد قدر يظبط الامور
ملخص يوم جديد للغايه رغم بعض المنغصات
يوم الاتنين
يعني محاوله احمد لأستفزازي بكل الطرق
يعني الحوار بين احمد وشريف فوق وداني واحمد بينصح شريف انه ميركزش مع الناس اللي كل همها السرعه ورغم انه مذكرش اسمي الا اني كنت متأكد أني المقصود
يعني احساسي بالفشل يتعاظم
يعني آخر يوم في حياه حاتم وهو عماله مؤقته
يعني كلام جيولوجيا كتير وانا مكرهش في حياتي غير الجيولوجيا ودكاتره الجيولوجيا
يعني زعل طول اليوم وحرقه دم آخر اليوم لما رحت المعهد ولاقيت اني مش هينفع اقدم في الدوره اللي هتبدأ الأسبوع الجاي
ملخص اليوم الحمد لله على كل حال بس يوم سيء سيء سيء
يوم الثلاثاء
يعني منذ الصباح محاوله من احمد لحرق دمي لما لاقيته بيكلمني بكل سخافه رغم ان بناء على اخر موقف لينا سوا من اسبوع قبلها مفروض انه يكون على الاقل بيقدر انه رغم غلطته البشعه في حقي الا اني تعاملت مع الموضوع كأن لم يكن تماما بس في المقابل كان جزائي المعامله الزباله
يعني ردي على الموضوع بأنطلاقه شديده يمكن تكون في بدايتها كانت بريئه وهو اني المهم اني استمتع بوقتي مهما كان اللي حواليا
يعني كالعاده تعبير عن نفسي بشكل يمكن يسيء ليا بس في النهايه هعمل اللي عايزه طالما مش بتخطى حريه اللي قدامي
يعني اكتر وقت الاحظ فيه ان اللي بيضايق احمد اكتر هو انه يحس اني منطلق اكتر من انه يحس ان تصرفاتي هتسيء ليا لأنه كالعاده كان بيصمم طول اليوم انه يعمل التصرف اللي هو عارف انه بيضايقني ويضايق لما مبديش اي اعتراض
يعني اول يوم في حياه حاتم وهو موظف حكومي
ملخص اليوم الحمد لله كنت مبسوط رغم اني مروح البيت بعد عشره وكنت فاصل شحن للغايه
يوم الأربعاء
يعني كالعاده نفس التصرفات اللي تحرق الدم
يعني شغل جديد فيه جيولوجيا اقل وبالتالي استمتاع أكتر
يعني بعض الهفوات اللي فيها فلتت اعصابي ورديت بأحتداد وده للاسف بيريح البعض
يعني حاتم وحشني اوي وعنده برد وعايز اطمن عليه
ملخص اليوم مش حلو ومش وحش اوي الحمد لله
يوم الخميس
يعني آخر يوم في الشغل
يعني اكتشافي ان التدريب التاني على البرنامج التني هيكون الاسبوع اللي جاي ومش بس كده ده كمان هضطر اني اطلع الكمبيوتر الدور العشرين يعني حتى شويه الوقت بتوع الصبح اللي الواحد بيعرف يشوف فيهم الايميل ولا يفتح المدونه ولا يشوف ايه الجديد على الاوتلوك هتنعدم
يعني برضه محرفتش وفقدت اعصابي واديت الفرصه لحد انه يكون سعيد بأثاره استفزازي
يعني تعليق سخيف من أحد الاشخاص
يعني كل ما هو غير لطيف الحمد لله
على الهامش
الأحساس بالذنب بيتهيألي الناس بتحسه لما تجرح حد مثلا من غير قصد
بس المشكله ان عندي الاحساس بالذنب بصوره غير طبعيه
ياترى ليه؟
من يوم الأحد أبتدينا الكورس الجديد ولأول مره في تاريخ شغلي في الشركه يكون تدريبي مع كل زمايلي الاعزاء ونفضل سوا كل يوم من تسعه لخمسه وهو وقت الدراسه العادي وبتضطرنا الظروف للسهر احيانا لبعد تسعه فكان الموضوع شويه غريب وجديد
يوم الأحد
اليوم الأول في التدريب يعني الحيويه والنشاط
يعني الفرح والانطلاق
يعني ان الواحد ينجز المطلوب منه وفي وقت الى حد ما قياسي رغم غبائي
يعني ان الواحد ميفكرش في حاجه وحشه
يعني يوم سفر حاتم واضطراري اني اعيش اسبوع من غيره واحنا خلاص ما صدقنا الامور تصفى
يعني اول يوم اشوف احمد بعد انقطاع لفتره وراحه الى حد ما خلالها الواحد قدر يظبط الامور
ملخص يوم جديد للغايه رغم بعض المنغصات
يوم الاتنين
يعني محاوله احمد لأستفزازي بكل الطرق
يعني الحوار بين احمد وشريف فوق وداني واحمد بينصح شريف انه ميركزش مع الناس اللي كل همها السرعه ورغم انه مذكرش اسمي الا اني كنت متأكد أني المقصود
يعني احساسي بالفشل يتعاظم
يعني آخر يوم في حياه حاتم وهو عماله مؤقته
يعني كلام جيولوجيا كتير وانا مكرهش في حياتي غير الجيولوجيا ودكاتره الجيولوجيا
يعني زعل طول اليوم وحرقه دم آخر اليوم لما رحت المعهد ولاقيت اني مش هينفع اقدم في الدوره اللي هتبدأ الأسبوع الجاي
ملخص اليوم الحمد لله على كل حال بس يوم سيء سيء سيء
يوم الثلاثاء
يعني منذ الصباح محاوله من احمد لحرق دمي لما لاقيته بيكلمني بكل سخافه رغم ان بناء على اخر موقف لينا سوا من اسبوع قبلها مفروض انه يكون على الاقل بيقدر انه رغم غلطته البشعه في حقي الا اني تعاملت مع الموضوع كأن لم يكن تماما بس في المقابل كان جزائي المعامله الزباله
يعني ردي على الموضوع بأنطلاقه شديده يمكن تكون في بدايتها كانت بريئه وهو اني المهم اني استمتع بوقتي مهما كان اللي حواليا
يعني كالعاده تعبير عن نفسي بشكل يمكن يسيء ليا بس في النهايه هعمل اللي عايزه طالما مش بتخطى حريه اللي قدامي
يعني اكتر وقت الاحظ فيه ان اللي بيضايق احمد اكتر هو انه يحس اني منطلق اكتر من انه يحس ان تصرفاتي هتسيء ليا لأنه كالعاده كان بيصمم طول اليوم انه يعمل التصرف اللي هو عارف انه بيضايقني ويضايق لما مبديش اي اعتراض
يعني اول يوم في حياه حاتم وهو موظف حكومي
ملخص اليوم الحمد لله كنت مبسوط رغم اني مروح البيت بعد عشره وكنت فاصل شحن للغايه
يوم الأربعاء
يعني كالعاده نفس التصرفات اللي تحرق الدم
يعني شغل جديد فيه جيولوجيا اقل وبالتالي استمتاع أكتر
يعني بعض الهفوات اللي فيها فلتت اعصابي ورديت بأحتداد وده للاسف بيريح البعض
يعني حاتم وحشني اوي وعنده برد وعايز اطمن عليه
ملخص اليوم مش حلو ومش وحش اوي الحمد لله
يوم الخميس
يعني آخر يوم في الشغل
يعني اكتشافي ان التدريب التاني على البرنامج التني هيكون الاسبوع اللي جاي ومش بس كده ده كمان هضطر اني اطلع الكمبيوتر الدور العشرين يعني حتى شويه الوقت بتوع الصبح اللي الواحد بيعرف يشوف فيهم الايميل ولا يفتح المدونه ولا يشوف ايه الجديد على الاوتلوك هتنعدم
يعني برضه محرفتش وفقدت اعصابي واديت الفرصه لحد انه يكون سعيد بأثاره استفزازي
يعني تعليق سخيف من أحد الاشخاص
يعني كل ما هو غير لطيف الحمد لله
على الهامش
الأحساس بالذنب بيتهيألي الناس بتحسه لما تجرح حد مثلا من غير قصد
بس المشكله ان عندي الاحساس بالذنب بصوره غير طبعيه
ياترى ليه؟
7 comments:
مش هقدر اقولك ليه غير لانك بتخاف بزياده على مشاعر الناس وده لانك اصلا حساس لاى حاجه بتحصل او بتتقالك
وبرضو ممكن اقولك انه احساس شنيع وهو يمكن سبب الحاله النفسيه الغير طبيعيه اللى انا بمر بيها دلوقت
بالتوفيق فى التدريب وعلى فكره انا متأكده انك مش فاشل وانك هتطلع منه بنتيجه كويسه زى ماانا مـاكده بالظبط انى افشل خلق الله :)
ايوه انا ابريل وده الحقيقى
يوم 16/4 وهو اللى معايا دايما انما المزيف بتاع الحكومه هو 10/5 بس مابيفرقش معايا :)
سيبك انت المهم انك تمام وابقى وصل سلامى لحاتم علشان ولا بلاش
السلام عليكم ورحمة الله وبركاته
أخبارك أيه
يارب يارب تكون بخير
أنا جاية بس أسلم وأطمن عليك
اه صحيح هي الكلمات اللي أنت كاتبها في الهيدر بتاع البلوج بتاعك أغنية لمين؟:)
اليوم الأول كان كدة لأنه كان تغيير عن نمط و نظام يومي اتعودت عليه
طبيعي لو كل فترة فيه يوم يتعمل فيه حاجة مش متعود عليها أكيد هتفرق كتير أوي
أتمنى أسبوعك الجاي يكون أحسن كتير
كمان.. بتمنى أيامك كلها تكون انطلاق زي أول يوم في الأسبوع دة... بعيدا عن أي حاجة تدايقك
ربنا يسعدك بجد..أوي أوي
سلام عليكم
عزيزتي حبيبه
أنا حساس؟
الله يعزك بس انتي كده مش تعرفيني بالمره
على ذكر مش تعرفيني الاسبوع اللي فات في الكورس بقول في مره مش كده خالص فالراجل بيقولي أنت شرقاوي؟ قلتله مش كده بالضبط :) هو انا اصلا اصلا من الشرقيه بس الموضوع مش كده خالص الموضوع أنها لزقت في لساني من أيام أعدادي هندسه عشان كنت في الشرقيه :)
سلامتك من الحاله النفسيه الغير طبيعيه بس على رأي حد عزيز هي مجرد دنيا مش تضايقي نفسك فيها قدر الأمكان
برضه مش تعرفيني هو أنا لما أقول أني فاشل فأنا أعنيها تماما أما عن فشلك اللي بتتكلمي عنه فأفتكري أنك الحمد لله وبمسك الخشب أهو بتجيبي تقديرات اوه في العالي بس الله ماشاء الله يعني
عيد ميلادك هو اللي مش بيفرق ولا التاريخ المزيف
بيتهيألي دي ظاهره مصريه موضوع ان الواحد يكون ليه أتنين تاريخ ميلاد واحد حقيقي وواحد بتاع الحكومه بس انا عكسك بنكر الحقيقي وبعترف ببتاع الحكومه
:) أهو لو حد مراقب البلوج أنا بقول أني بحب حتى تواريخ الحكومه
عزيزتي ذات القلب النابض
عليكم السلام ورحمة الله وبركاته
على سيره السلام عليكم في البدايه أنا دايما ببدأ كل حاجه تقريبا بالسلام عليكم فشكرا انك أديتني الفرصه اني اقولها في الكومنتات
أان بخير الحمد لله بس مفتقد حاجه مهمه جدا مفتقد كلام بحب أقراه أوي وبفتقد وجود أسم بحب أشوفه أوي
عارفه أقصد مين
ياريت بلاش الغيبه الطويله أنا مقصدش طبعا هنا أنا أقصد في مدونتك اللي أشتكيت من قله كتابتك فيها بجد بيوحشنا كلامك جدا
تعرفي أن كان في حد من الزملا لسه من يومين بيعلق على البوست بتاعك اللي معلقه جنب مكتبي - بوست أبتسم حتى يرى الله ابتسامتك - وعجبه أوي كان نفسي ساعتها اشتكيك ليه واقوله انها بقالها كتير مش بتكتب
صحيح أخبار الامتحانات النهائيه أمتى ياترى أول خمسه زي عندنا ولا عندكم النظام مختلف لأن أصلا أحنا مش بيكون عندنا تيرم بنمتحن مره واحده شوط واحد على رأي بتوع السينما
الأغنيه لواحد أسمه أكمل وهي فعلا كلمات حلوه وكنت داخل أغيرها بكلمات كئيبه بس عشان خاطرك هسيبها شويه كمان
عزيزتي الفراشه
تعرفي ان في كتير بيقولوا عليا روتيني وانا مش بصدقهم وبنكر عن نفسي التهمه دي بس شكي هصدق فعلا
لدرجه ان واحد من الزملا شافني بلخص كتاب وبلون في التلخيص بقى وبعمل حركات فقالي انت بترجع للكلام ده تاني فقلتله آه وبلون عشان خطي وحش فبحاول أني أداري وحشته في الالوان حتى أيام الجامعه كان لما حد يطلب محاضره يصورها كنت في الغالب بكتبله نسخه بدل التصوير عشان خطي واحد من ناحيه وعشان بعض الالوان مكنتش بتطلع في بعض ماكينات التصوير من جهه تانيه وكمان لأني بحاول أحب للناس اللي أحبه لنفسي وانا احب أني اذاكر من اصل الورق مش من صوره ليك فرد زميلي وقالي ده أنت بتحب الروتين من يومك وبغض النظر انه كان يقصد شغل الروتين بتاع الشركه اللي الكل بيحاول ينفي عن نفسه شبهة أن بيعمل روتين كويس بس ساعتها فكرت هو انا فعلا روتيني؟
يعني انا بركب كل يوم نفس المترو في نفس العربيه من نفس الباب في نفس التوقيت وبخرج من نفس الباب اللي بخرج منه كل يوم وامشي من نفس الشارع وبفطر في الشغل نفس الفطار واشرب نفس المشروب الخ الخ الخ
هو انا كده ابقى روتيني :)
أنا طبعا اتمنى الاسبوع الجاي يكون أحسن وان كنت اشك جدا جدا لأن الاسبوع ده كنا بنتدرب على برنامج محدش فينا يعرف عنه حاجه وكان الكلام كله جيولولجيا يعني كلام ميخصناش ومع ذلك نزعه التنافس عند البعض كانت بتخلي الدنيا مش لطيفه وانا مش بحب الاجواء اللي فيها توتر للاسف
لكن الاسبوع الجاي على برنامج من صميم شغلنا والفروق فيه بينا متابينه جدا ناس بتشتغل عليه كويس أوي وناس نص نص وناس ماشتغلتش خالص فده طبعا هيخلي الجو أيه متوتر للركب
كل ايامي مره واحده ربنا يخليكي يارب ويتقبل منك طبعا وان كنت أشك هو انا مش قلتلك قبل كده أنا أعز النكد موت بيتهيألي النكته الشهيره بكره النكد بكره اللي قالها كان سمع عني :)
عليكم السلام ورحمة الله وبركاته
على الهامش
النور قطع في الشركه دلوقت وكويس اننا اجهزه الكمبيوتر بتشتغل على المولد والا كان زمان كل كلامي ذهب ادراج الرياح هو اي نعم الدنيا في المكتب ضلمه بس طبعا نوري منور المكتب
:)
هو انا لازم اسيب البوست فتره طويله عشان ألاقي رد يعني أرجوك بلاش تحرميني من الرد وعلى فكره انا رديت على كومنت بوست هذا أنا
Post a Comment