الحمد لله

أنا الحمد لله دلوقت أحسن

أتحسنت شويه وبالذات بعد ما الجنرال-مهندس زميلنا- كان مديره قاله كلمتين وكان متضايق وانا دخلتله وبراءة الأطفال في عينيا

وقلتله أنت لسه متضايق

قالي لأ هو حد يشوفك وتضايق-مجامل كبير الجنرال- فبعدها قلتله يعني ممكن أقول لحضرتك

Happy Birth Day

النهارده تم 31 سنه

كبير أوي الجنرال

حاتم بيحب طريقه نطقي لأسم الجنرال

أنا كنت متضايق من اللي حصلي أمبارح بليل

أنا مش عايز أفتكر

ممكن في يوم أقدر أتكلم عن اللي حصل

بس الظاهر اني أنا اللي بدي الناس أنطباع سيء عني

أنا مش بقيت عارفني

أنا من جوايا متقنع أني مش كويس بس كمان مقتنع أني مش حيوان فمبحش حد ينسى ده

كمان مهما كان جوايا شر بس بالتأكيد أنا مش جوايا كل شر الدنيا

كان مفروض أنام من بعد مارجعت من بره أمبارح علطول

كنت راجع مبسوط اني خرجت انا وحاتم وقضيت وقت لطيف

يالا الحمد لله

كنت أمبارح بقول لحاتم أني مبسوط أن دكتور عندنا في الأداره-مش عارف ليه كلنا بنقوله يدكتور يمكن عشان هو المهندس الوحيد الحاصل على دكتوره وكمان لأنه راجل كبير ومحترم- كان بيقولي أني ملامحي كلها براءه

وكنت شويه أبتديت أصدق لأني مقتنع أن ملامحي شكلها يعني مش الفظيعه وكان حاتم دايما يقولي ان الراجل مش لازم يكون حلو ومينفعش يتقال عليه حلو

وكنت دايما أقوله لأ أيه المشكله أنا أحب أن شكلي يكون حلو أي نعم أن راضي بشكلي بس كان بيضايقني أني أسمع من حد أن ملامحي حلوه وكنت أحس أنه بيجامل مجامله أوفر شويه

ولما فكرت في كلمه الدكتور لاقيته ممكن تكون منطقيه البراءه في الملامح هي اللي بتدي رونق

وكنت هصدق وأبدأ أكسر قيد من قيودي

لغاية اللي حصل أمبارح

أنا مش عارف حاسس أني عمال أكتب عشان مفكرش في اللي حصل أو عشان مش أقوله

قابلت أمبارح صديق قديم مش عارف من الأصح أني أقول واحد كان صديق من زمان ولا أقول صديق قديم

كلمة صديق قديم توحي بأننا لسه أصحاب وأحنا بطلنا نكون أصحاب من زمان

أمبارح حسيت انه بيحاول يقنعني أني حيوان وأنا بأكدله أني مش حيوان

وفي نهايه الكلام قلتله عندك حق أنا حيوان

قالي أحب أنك تكون صريح مع نفسك

هو مش بالشر اللي كلامي بيصوره بيه واان مش بالبراءه اللي ببان عليها

بس والله أنا مش حيوان

حاتم بيقولي اني ساعات بستعمل كلام فج

زي لما حد يعمل حاجه حرام فأقول بيعمل معصيه

أو دلوقت أني أقول أنا مش حيوان

كان ممكن أستعيض عنها بأني أقول أني مش وحش

وده التعبير اللي كنت هستخدمه لو كنت بتكلم بلساني بس أنا بنطلق في الكلام أكتر بأيدي عن لساني

ياربي وفقني لما فيه الخير

اللهم إني عبدك بن عبدك بن أمتك ناصيتي بيدك ماض في حكمك عدل في قضاؤك أسألك اللهم بكل اسم هو لك سميت به نفسك أو علمته أحدا من خلقك أو أنزلته في كتابك أو استأثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي

تحديث

ده أول تحديث أكتبه في حياتي

بعد نشر البوست مديري كان جايبلي تقيمي عن الشهور الثلاثه القادمة أي نعم هو مجرد أجراء شكلي وبالذات لأنه مفروض يتعمل بعد ثلاث شهور من دلوقت بس هم بيستسهلوا ويعملوا دلوقت وكأنهم متوقعين الشكل اللي هتصرف بيه الفتره الجايه

وكان التقييم كالتالي

1-technical evaluation & Skill improve

وده بيكون عادي من 30الى 39

أو جيد من 40 الى 49

أو جيد جدا من 50 الى 60

والراجل كتر خيره قال انه هيدني 50 يعني جيد جدا وأن السبب اللي عشانه مش هيدني 60 هو أني لغايه دلوقت مفيش عندنا الشغل الفني

قال يعني أنا قلتلهم خلو شغلي معظمه جوابات ومراسلات

مهو مفيش شغل أعمل أنا أيه

2- Quality of performance

وده من 10 وكان نصيبي 9

وكان تبريره ان مفيش حد بياخد 10

3-cooperation

ودي برضه أخدت فيها تسعه من عشره

4-Behavior & Discipline

ودي اداني فيها تمانيه من عشره وعشان عارف أني هزعل فضل يشرحلي ليه

قعد يقولي انت لاغبار عليك-مخدوع فيا-بس أنا مدتكش تسعه عشان خاطر ال

cooperation

بس مردتش اديك التمانيه في ال

cooperation

عشان ميبناش قدام الأداره أنك غير متعاون

أنا عارف أنك متعاون وانك بس مش راضي عن الوسط الموجود بس مش لازم برضه تكون على طول منغلق على ذاتك

كان نفسي اديلي محاضره طويله عن أني مش لازم اضحك على نكته الأبيحه ولا لأزم أشترك في السخريه من الكبار في السن عشان أكون مش منغلق

بس ده رأيه وهو حر فهو شاف اني ابان من الدرجات أني متعاون وأخلاقي زياله أحسن من أني أبان أني أخلاقي كويسه ومش متعاون

4- Attendance

دي برضه تسعه رغم أن دي الحاجه اللي هو متأكد أني مفروض أخد فيها عشره لأني من يوم ما أتنقلت فرع الشركة في القاهره مأخدتش يوم أجازه ومتأخرش مره على مواعيد الشغل بل بالعكس أنا بوصل قبل المواعيد وحتى أيام الأجازات من غير ما يطلب مني بيلاقني

وأكم مره كلمني بعد ما أكون مشيت وأرجعله تاني عشان بس كان في ورقه على مكتبه مش شايفها هو

المهم أن المحصله كانت 85 من 100

يعني أمتياز

الحمد لله

أحمدك يارب

أنا اللي خلاني أنشر الكلام ده هنا مش في بوست منفصل هو أحساسي أن دي مسدج من فوق

الحمد لله يارب