عايز أكتب

حاتم بيقولي أني بستسهل

بس أنا مش حاسس اني بستسهل

الشغل بتاعي مريح بس متعب

كل مره أقابل حد جديد أحس أني مبهور ويزيد أنبهاري لو ما أتقبلناش تاني

بيعجبني تفكير الناس اللي بتبهر بيهم حتى لو غلط وبكره تفكير أي حد أعرفه لو بس بيخالف تفكيري

أناني في علاقاتي بالناس

طماع فيما يتعالق بالمشاعر

الحب في حياتي دايما موجود ودايما بفتقده

نفسي أكتب عن كل حاجه مرت بيا في حياتي

أفتكرت دلوقت جمله من فيلم هي فوضى بين منه ويوسف الشريف

بتقولوا نفسي أحضنك دلوقت وقالها انا اللي نفسي فيه يعتبر فعل فاضح في الطريق العام ونتحبس عشانه ست شهور

كنت دايما بقول أن الحضن شيء مميز مش لازم الناس تستغله عمال على بطال

عرفت مره واحد مهتم بالموسيقى أوي وبيحب يسمع الموسيقى البوذيه مش عارف هي كده صح ولا أيه وبيقول عليها موسيقى قويه

كان نفسي زمان أمثل عشان أعيش حياه غير حياتي

كل يوم أقول النهارده هيبقى يوم جديد وهيحصل فيه تغييرات جذرية

عايز اطلع الخزنه أجيب المرتب

عمري ما كانت الفلوس مهمه بالنسبه لي

هو ده عيب ولا صح ولا حاجه أصلا مش مهمه

طموح كل الناس اللي أعرفهم في مجال شغلي كل همهم أمتى ممكن يروح شركة اكبر بمرتب أكبر

أحمد أخويا طيب بس أتظلم كتير

بابا ظلمنا من غير ما يأخد باله

مما كمان مش دايما مظلومه كتير بتظلم بس بحسن نية

مش عارف ليه مش بقول نفس الكلام على بابا

الخواجه في المكتب اللي جنبي بيعطس عايز أقوله يرحمكم الله

الناس دايما بتتريق على الطريقه اللي بعطس بيها وعلى أني بتبع العطسه بالحمد لله من غير ما أخد نفسي وكأنها شيء مرتبط بيها

تامر حسني عمال يوش على وداني

مزرتش مدونتي التانيه النهارده

عايز أنقل اللينكات اللي فيها هنا عشان مأضطرش أروح هناك كل شويه

هو أنا ليه بكتب هنا ومش بكتب هناك رغم أن هناك مكان مقفول

يمكن عاشن أحساس المشاركة اللي بحس بيه هنا

كنت بكتب لفراشه النهارده كومنت أناه تفتح ورقه وتكتب ومن غير ماأحس دلوقتي لأقتني أول ما أضايقت فتحت ورقه وأبتديت أكتب ونسيت أنا أيه اللي كان مضايقني

أه أفتكرت حاجه عبيطه

زميل شغل كان بيتريق عليا عشان كنت بقول أن حلاقه الذقن محتاج مجهود بدني

هو أنا رهيف

أختي يا ترى أختارت أسم رهف ليه

يمكن من وحي البيئة اللي هي عايشه فيها دلوقت

أنا مفتكرش أني ممكن أسافر لدوله عربيه عشان الشغل إلا في أضيق الحدود

بحب قصص فانتازيا اوي بحب أسافر مع عبير وأركب القطار وأقابل طرزان وسوبر مان وأدهم صبري

مش قادر ابطل تعلقي بقصص أدهم صبري

عندي ربع قرن ومع ذلك ممكن تلاقيني ماشي في الشارع ماسك قصة أدهم الجديدة وعمال أقراها عشان مش قادرأسيبها لغاية ما أوصل البيت

على الهامش البوست ده لاقيته يف الدرفت قلت أنشره يتهوى ويفك مود اليوميات اللي بطلت أكتبتها