أنا وصديقي الصدوق على وزن عدوي اللدود لما نحب نتسلى مش بنحب نقزقز لب لأنه وببساطه مبيعرفش يقزقزه وبيفضل عليه أكل السوداني ولكن لما نحب نتسلى بنلعب لعبه وكل فتره بيكون فيه لعبه وفي يوم مميز يوم شراءه للاب توب كان موعدنا مع اللعبه الجديده ولأني بنسى مووووت قررت أني أسجل ايه لعبنا عشان ميتهوش مننا
كانت اللعبه المره دي أني أسأل وهو يجاوب بس مش أسأله تقلديه أنا بس هقول جزء من سؤال وهو يجاوب عليه من وجهه نظره أو يكمله بالشكل اللي هو عايزه زي ما أقوله
أشمعنى؟
فيرد هو بالشكل اللي يعجبه لأنه وببساطه بيكمل في ذهنه السؤال بالشكل اللي يعجبه
وكم المفارقات بيكون رهيب لأني أفتكر دلوقت أني سألته وقلتله
أمتى؟ وكان في ذهني سؤال تكملته لازم تكون
بعيد جدا
ولانه وللأسف كمله بحيث أن الأجابه كانت
قريب جدا
وهكذا
على الهامش أنا مش عارف أنا بكتب الكلام ده ليه؟ بس يمكن من باب المشاركة يمكن في يوم أقابل حد جديد ويقولي تعالى نلعب والاقيها لعبتنا أنا وحبيبي
1 comment:
Post a Comment