كلام من جوه

أنا نفسي أسافر عشان أهرب من مشاكلي
مشاكلي اللي كان السبب فيها قلبي
قلبي اللي نفسي أنه يبطل يدق
يدق الباب أقول هي
هي كلمة ملهاش وجود في حياتي
حياتي تتلخص في كلمتين لقا وفراق
فراق الحبيب أصعب من أني الأقيه
الأقيه فين وأنا كل الأماكن زرتها عشان الاقيه وموصلتلوش
موصلتلوش عشان أنا مستهلش
مستهلش أعيش الحياه اللي أنا فيها
فيها أيه لو أفضل أكتب كده على طول
طول اليوم بتمنى اليوم يخلص بأي شكل بس عشان أرتاح
أرتاح من قلبي ولا عقلي
عقلي صغير أوي بالذات لما بيحاول يتخطى حدوده
حدوده معايه موضحتهاش أنا من الأول
الأول كان صارحنى من الأول كان يقولي
يقولي أيه ولا أيه مهما قال مكنتش هصدق
هصدق ليه وعشان أنا أنا أصلا مش عايز أقتنع
أقتنع بفكرة أني غبي أسهل من أني أقتنع أني ممكن أشغل دماغي
دماغي مليئه بالهسس
الهسس كلمة أتعلمتها من الشغل وملهاش موقع من الأعراب
الأعراب كنت طول عمري مش بحبه
بحبه بس ممكن أعيش
أعيش معاه ولا عشانه
عشانه كان ممكن أضحي أكتر بس هو مرضيش
مرضيش أني أكون أهم من أشياء أخرى غبيه من وجهة نظري
نظري طول عمري ضعيف والأضعف بصيرتي
بصيرتي ملهاش وجود
وجود الناس هو المهم ولا أحساسنا بيهم
بيهم وعشانهم ممكن الحياه تكون أحلى
أحلى من الشرف مفيش
مفيش في الشغل حاجه تستاهل أني أزعل
أزعل من أيه ولا أيه كل حاجه بتحصل ممكن تسيب جرح
جرح القلب أعمق من جرح السكين
السكين كان وسيلتي المفضله دائما للأنتحار
الأنتحار فكرة مؤجله سببها مقوله من ماما
ماما دايما مرتبط بيها أكتر من بابا
بابا هو الحاضر الغائب
الغائب دايما فاكره والموجود دايما بنساه
بنساه عشان جرحني
جرحني فين في نني قلبي
قلبي بيتهيالي الكلمة دي أتقالت مره قبل كده