أيام غريبه وايام مريبه

أنا أيامي معظمها غريب وجزء منها مريب والباقي مراحل سكون
مش بحب اليوم اللي مش بجي الشغل فيه رغم ان ده بيكون بناء عن أختياري لأني بحتاج كل اسبوعين كده ولا حاجه اني اخد يوم أجازه أستجم فيه من رحله العذاب اليومي من البيت للشغل ومن الشغل للبيت
بس دايما بكون في يوم الأجازه فريسه سهله لكل اعراض الوحده والأكتئاب
كان بقالي حوالي اربعتاشر يوم ورا بعض بجي الشغل كل يوم فقررت اني مش اجي الشغل يوم الجمعه اللي فات
وفي اليوم ده اتعرضت لأكتر من موقف مش حابب اني اتكلم عن أي واحد منهم
بس المحصله واحده
حتى لما جيت الشغل امبارح السبت برضه كنت فريسه للمل
حاتم دايما يقولي اني عايز احس بالملل والفراغ عشان ان عايز احس بده واني ورايا مليون حاجه بس انا بسيبهم كلهم عشان اتفرغ لاحساسي بالملل
في حاجات كتير ممكن اشغل بيها نفسي بالأضافه للموجود اصلا بس انا مش بحس بالرغبه في عمل اي منهم
وكله في كفه والتليفونات في كفه
عندي حساسيه من رنه التليفون
بسأل نفسي ميت سؤال كل ما التليفون يرن
في جمله شهيره بقولها على طول
اتصل بيا في اي وقت مفيش اي مشكله خالص
حتى في ال
signature
مكتوب عندي
Please Don't hesitate to call me
وده بالرغم من اني عارف ان رنه تليفون واحده كافيه باصابتي بامراض القلب والقولون
حتى لو زميل في اشلغل كلمني وده مثلا اللي حصل امبارح بليل
وعمل حسابه واتصل بيا الساعه ثمانيه ونص عشان في الشغل عارفين اني بدخل السرير من تسعه
مردتش عليه وياريت خلص الموضوع لكن انا مردتش وبدأت سلسله التساؤلات
ياترى كان في شيء مهم-رغم تاكدي من أستحالية وجود شيء مهم-
ياترى هيزعل اني مش رديت عليه
ياترى هيرن تاني
ياترى بكره هيفتح معايه الموضوع ولا مفروض انا اللي افتح معاه الموضوع
ياترى ايه انسب وسيله للاعتذار عن كوني مش رديت
ياترى المكالمة لو كنت رديت عليه كانت هتبقى في مواضيع عامة ولا حاجه خاصه بالشغل
ياترى كان بيبصلي ازاي قبل ما يتصل ونظرته ليا اختلفت ازاي بعد ما اتصل
اسئله كتيره لو فضلت اكتب مش هخلص النهارده
وكل ده ليه عشان تليفوني رن وعشان انا قررت مردش
ده عن تليفونات زمايل الشغل
أما عن المكالمات الأخرى
فأرحمني يا الله
في نوعين يأما يكون حد جديد وفي الحاله دي مش هتردد عن الرد لحظات طويله ياما يكون حد قديم وهنا ردي من عدمي هيتوقف على عدة مواقف أهمها الحالة المزاجية والمكان المتواجد انا فيه
وبعيد عن التليفونات لأني بتوتر وانا بس بكتب عنها
فنجي للأهم المقابلات
أنا بحب أتواجد في الشغل عشان مقابلش حد ولا حد يقابلني
هو انا مدمن شات
مش عارف ساعات بحسه مش ادمان وساعات بحسه ادمان
ايوه لازم يكون ادمان والا ايه تفسير اني اسيب كل حاجه عشان افضل اكلم حد معرفوش
في حين ان حاتم بيقولي دايما ان الحوارات محفوظه بس انا مش عارف
وحاتم بعيد ساعات بحسه فعلا بعيد
هيزعل جدا لما يقرا الجمله دي
بس انا مش بحب امسح حاجه انا كتبتها
مش مفروض الاصحاب يكونوا متفقين في كل حاجه
بس كنت بحس اننا متفقين اكتر من كده
دلوقت بحس انتقاده لحاجات كتير فيا اكتر من الاول
انا يمكن شويه بكون مختلف في بدايه المعرفه بالاشخاص عن بعد ما اعرفهم فعلا
بس انا بجد مش عارف هو كان ممكن يكون زي بقيت الناس ورسم في البدايه صوره خياليه مش انا عليها في الواقع وبعد كده أتصدم
جايز
انا عرفت ناس كتير اوي في حياتي حتى لو كتير منهم معرفتوش اكتر من ساعات معدوده بس كل منهم ساب بصمة وكتر البصمات دي هي السبب في كل التخلف اللي بعاني انا منه دلوقت
هو انا بس اللي كده
بيتهيالي احنا كتير كده بس انغلاقي عن نفسي هو السبب اللي بيخليني احس اني لوحدي اللي كده
عندي تناقض رهيب
من اين منغلق على نفسي ومن اين عرفت ناس كتير
حاتم كان دايما يقول انت حاصر نفسك في مكان ضيق
انا مش بحصر نفسي انا بلاقي نفسي اتحسرت بدون وعي
مفيش حاجه اسمها بدون وعي
يوووه هبدأ مرحله الهسس
حاتم كنت دايما قرفه بكلامي عن ناس غيره كنت مثلا أقوله
أحمد -صديق قديم-كان دايما يقولي انت بخيل
احمد-نفس الأنسان-كان دايما يقولي انت عندك نقرص وصوابعك شكلها وحش
أحمد كان دايما يقولي أنت شرير
الخ الخ الخ
وعلى كل موقف كنت اقوله كان في حد بيقولي كذا
وانا دايما كل ذكرياتي بتكون سيئة يعني افتكر ملاحظات الغير السيئه اكتر من ملاحظاتهم الكويسه
كان نفسي اغير لفظ سيئة وأخليه سلبياتي وايجابياتي بس انا مش بحب اغير كلمة كتبتها
ياترى النهارده هيكون من الايام الغريبه ولا المريبه
انا عندي احساس انه هيكون من الايم الغريبه لان معنديش وقت النهارده اني اخليه يوم مريب
عندي كليه بعد الشغل وبعدها عندي حفله خطوبه في نادي النقابه معنديش اي رغبه في اني اروحها بس مضطرا للاسف لازم اروح
ساعات بقرر اخرج حد من حياتي وبقدر وساعات مش بقدر
لأ انا عمري مقدرت
اللي بيخرج هو اللي بيكون عايز يخرج شم عشان انا عايزه يخرج
انا مش بقت فارقه معايه بصراحه
انا بقيتع بنسى اسامي الناس
انا عايز انسى اسامي الناس
حاتم اتخنق مني امبارح في مكالمة اتليفون عشان حكيتله اللي حصلي يوم الجمعه
انا مش ذنبي
لأ ذنبي
بس مش غلطتي
لأ غلطتي
انا مش عارف

ساعات بقول انا اللي بدي الفرصه للناس انهم يشوفوني بشكل معين
وبرد بعدها على نفسي اني مش مفروض اكون مش انا عشان ارذي الناس
حصلي موقف غريب مكن كم يوم
كنت قاعد لا بيا ولا عليا بتأمل في المناظر اللي حواليا
واذ بي افأجيء بولد صغير
انا عندي مفاهيم غريبه ممكن اشوف واحد واقول عليه ولد صغير وأفاجيء انه اكبر مني
هو على العموم كان عنده 18 سنه
وكان بيمشي مشيه غريبه شويتين
عادي انا كمان الناس بتقول على مشيتي غريبه شويتين
بس هو كان في حاجه غريبه
انا شم فارق معايه لأني شفت من الشكل ده قبل كده في الشوارع بس مكنتش أتعاملت معاهم
وكانت دقني من شهر سيبها عشان اسباب كتير منها الكسل
المهم لأقيت هذا الانسان بيشوارلي بالسيجاره ممكن تولعلي مش عارف ليه أفتكرت شاديه وهي بتمثل دور اريما لادوس في فيلمها مع صلاح ذو الفقار
وقولتله ل مش بدخن المهم مش عارف ازاي لاقيته نط قعد جنبي وقالي تضايق لو كلمتك
قلت لأ
وبالصراحه كنت بعاني من الملل وقلت أهو يمكن اسمع اي حاجه جديده
قالي انت شيخ؟
قلتله لأ
لأني كنت عارف انه بيسأل عن الذقن
قالي بس تعرف انك حلو انت كمان احلى مني
مش عارف على اي اساس وكمان هو الى حد ما كان بيقالها بغيظ بالذات الجزء الأخير بس شكرته على العموم
كلك ذوقك
لأول مره من بدايه كتابه الموضوع امسح جمله
انا مش عايز اكمل بقيت الموضوع
المهم مشيت
وبعدها تليفوني رن وقلقت تاني


المهم بدأ الموظفين في التوافد للشركة
هأبدأ يوم الشغل