وده اللي كنت هكتب فيه فعلا بس وقبل ما أبدأ في الكتابه أكتشفت أن الفراشه ليها بوست جديد قلت هقراه وأكتب بس للأسف بعد ما قريته مش قادر أكتب
أنا مش عارف أيه تحديدا اللي صدمني
أنا فعلا أوقات بحس أني بتلاقى رسايل من فوق
بس الأمور كانت بسيطه لكن دلوقت أنا مش قادر أستوعب
أمبارح أخويا الصغير اللي لسه مكملش خمستاشر سنه-في نظري لسه طفل حتى وأنا كنت مش بعامله كده-كان بياخد دش وانا حسيت أني شامم رائحة الدخن-المزعجه لي جدا-فسألت ماما في رائحة سجاير؟
فردت بسخرية-عشان عارفني كويس -مفيش غيري أنا اللي بشرب سجاير يعني؟
قلتلها أنا شامم رائحة سجاير
المهم خرج الطفل الصغير
وقامت من مناقشه طويله بينه وبين ماما
تعمدت خلالها أني أعلي صوت التليفزيون عشان مسمعهاش
وهو ده اللي بيضايقني
أنا مش بحاول أعمل أي شيء
رغم أني عارف تأثير الأخرين علينا
وعلى أسرتنا أحنا تحدديا
تأثير الأخرين على حياتي هو اللي وصلني للي أنا فيه دلوقت
ليه الناس بتأذي من غير ما تفكر في اللي هيتعرض للأذى
كان دايما يدور الحوار ده بيني وبين أي حد من اللي عرفتهم
أقوله أنا مش موافق
فيتحايل عليا
أوافق
يرجع بعد فتره يقولي أنت اللي كانت عايز كده
مش بس كده ده يتمادى ويقولي وأنا مكنتش موافق وانت اللي أقنعتني
وأصدق أنا واقول خلاص المره الجايه هتعلم الدرس
ومش بتعلم
يمكن مش اللي أثر فيا أرتباط موضوع فراشه بقصه اخوايا وبالذات أني قريت البوست قبل مرور 24 ساعه على موضوع أخويا
بس بيتهيالي اللي اتأثرت بيه اكتر هو أن الأنسان ده- بغض النظر هو لأي درجه مسئول عن تصرفه ولأ ي درجه هو ضحيه- أثر في حياة ناس تانيه وخصوصا هذه الفتاه الصغيره
أنا بيتهيألي لو مكنتش قبلت الأشرار من سن مبكره كان ممكن أكون أنسان تاني
أنا عارف أني مش ضحيه بس كمان لو كل واحد كان بدل ما يقول أنا بأذي نفسي بس يفكر أنا بأذي كمان مين تاني
كان ساعتها اكيد الحياه هتكون افضل
3 comments:
:(
mmmm.... sorry I made u feel that way by my post. Ya rab msh tekoon metdaye2!!!
sorry bgad.
I'll come back later to concentrate more as I'm sick& can't concentrate in anything.
Coming soon isA. but plz dnt b sad.
salam 'alikom
عزيزتي الفراشه
انا مش هسامح نفسي بجد
أنا مقصدتش بكوني حزين أن كلامك هو السبب الرئيسي لحزني
أنتي عارفه لما تيجي تواسي حد وتدوسي على جرحه وانتي متقصديش
ده مش بيكون ذنبك لأن الهدف كان خير وانتي مكنتيش تعرفي أن دي مشكله من مشاكلي أو قيد من قيودي
أنا اللي زعلني أني كنت متخيل أنها حاله فرديه تخصني أنا بس
لكن لما قريت كلامك لأقيت أن في كتير مننا بيعانوا من اللي بنتخيل للحظات أننا أحنا بس اللي بنعاني منه
أنا من أمبارح مش عارف أرد على كلامك لأني بجد محتار
قريبك لما قرر يعمل اللي عامله كان شايف انه لو بيضر حد بادمانه فهو بيضر نفسه وبس
لكن مكنش أكيد بيفكر في الضرر الأكبر
ضرر أي حد بيشوفه بالحاله اللي انتي شفتيه بيها
أنا في الأول أحتارت مين اللي مفروض يتمدله أيد المساعده
هو الأنسان الكبير الفاهم اللي من نفسه حط نفسه في المشكله واكيد بيعاني عشان يخرج منها
ولا أنتي الأنسانه اللي أتصدمت في أنسان عزيز بس في نفس الوقت عندها من الثقافه والوعي والخبره الى حد ما بالحياه اللي يؤهلها أنها تكون رأي قد يكون سليم وتعرف أزاي تحمي مستقبلها من موقف زي ده
لكن لاقيت أن قريبتك الصغيره هي أحق الناس بالأهتمام
انا مش عارف لأي مدى ممكن يكون الموقف ده أثر عليها
بس اللي أعرفه أني حياتي كان سبب وجود القيود فيها تعرضي لمواقف مش بتاعت سني
انا مش بلوم أي حد على أي وضع أنا فيه
بس كمان مقدرش أشيل مسئوليه الأخرين عما يلحق بنا من أضرار
أنا بجد محتار
كتير فعلا بحس أني مش مفروض أحتار
بس بيتهيالي كلمه الاعتذار هتكون قليله
أرجوكي أنتي اللي تسامحني
والف سلامه عليكي من التعب
:((
تحياتي
انا عارفة انى اللى هقوله ملوش علاقة باللى انا كتباه دلوقتى بس بسببك عملت مدونة وانا عمرى ما حطيت الموضوع ده فى دماغى ابدا انا بقالى تقريبا اربع ساعات او اكتر بقرأ فى بوستاتك لما عينيا وجعتنى بس مش مهم اهم حاجة واللى بتمناه من ربنا انك تكون حاليا انسان حر ومش مشوش وتكون خلصت من اللغبطة اللى فى حياتك وبقيت مستقل اسفة انى طولت ولو انى مش عارفة انت قفلت مدونتك ولا لأ بس اهم حاجة انى قولت اللى كنت عاوزة اقولة بالمناسبة انا فى صيدلة احمد ربنا انك مدخلتهاش والا كنت انتحرت او اكيد مكنتش هتشوف التخرج ابدا:D
Post a Comment