رساله

فكرت أني أبعتلك دلوقت
أقولك أدخل هنا وأقرا
أقرا كل اللي بقالي أسابيع بكتبه هنا
بس مش متأكد أنك  عاوز تقرا
أو أنك عاوز تسمعني
من شهور وأنا بقول لنفسي ده مش وقتي
ده وقته
مش مفروض أشتكي
مش مفروض أضايق
أو أبين أني متضايق
وبخبي
واللهي بخبي
مهما كنت فاكر نفسك تعرف أنت متعرفش
عن نفسي وعن البيت وعن الشغل
بتكلم كتير
وبحكي تير
بس بخبي أكتر
مخنوق أوي
ولوحدي أوي
تفتكر دي حاجه سهله؟
تعرف وأنت معاهي في المكتب لما كنا منتكلمش أو تحط السماعه في ودانك أو الاقيك مش بتشتغل وأقول أني أسوا من أحمد سميح بالنسبه لك
بس كنا بنكون سوا
دلوقت ممكن يعدي اليوم كله متفكرش أنك تدخل عندي المكتب
ومش أنت بس
حتى الناس اللي شغلهم معايه دلوقت أكدوا أنهم كانوا بيدخلوا بس عشانك
زعلان من كريم أوي
بس واللهي ما ده السبب
ولا حتى لما عرفت أنك بعتله يوم العمليه عشان يكلمني
عارف أنه هو اللي بعت يسألك أنا عملت أيه فأنت قلتله يكلمني
بس أنت ليه شفت أني هكون عاوز حاجه زي كده
أنا مش عاوز حد يسأل عشان حد بيقوله أسأل
وكنت فاكر أن أنت بالذات تعرف عني كده
أنت فاكر هو بعت يقولي أيه ساعتها
أنه هيسأل عليا عشان هو أحسن مني
أنا مقولتلكش ساعتها أد أيه زعلت يومها
بس زعلت لما عرفت أنه مبعتش من نفسه أكتر
مبقناش بنتكلم والنهارده بتقولي  ان ده كمان عملته علشاني
ماشي يا سيدي
عملت علشاني كتير
أنا متشكر
بس خلاص أنا مش عاوزك تعمل تاني

كان نفسي أقولك أسأل عليا
مش سهل أبدا وانا كل مره بلح عليك بالكلام
فاكر لما نزلنا نشتري الخلاطات
فاكر انا عيط ليه يومها
وقولتلك بلاش نتكلم في الموضوع تاني
بس لسه بيحصل
لسه بتمشي وانا في وسط جمله بحكيها
تعرف اني في كل مره كنت بسكت في وسط حكايه وانت حتى متخودش بالك اني كنت بتكلم كنت بزعلى اوي
مش منك
من نفسي
ومن كوني حد لحوح

أنا بجد مش فاهم ليه موضوع مروحنا من الشركه وللشركه هو الحاجه الوحيده اللي انت محافظ عليها واللي زعلت اوي لما شككت أنها بتعبر عن حبك ليا
مش هو ده اللي بدأ الموضوع كله
لما قولتلك مروحنا وجينا سوا كدب
عشان فعليا مش بنكون سوا
احنا ممكن منقولش كلمه
عارف انا بشوف الموضوع ازاي
انك مضطر
مضطرين نروح سوا
لكن اللي بأختياراك هو اي وقت تاني
واللي هتلي مره في الفتره الاخيره
انت جتلي المكتب
وقعدت معايه
قولتلي تعالي عاوز اسمعك
او عاوز احكيلك
او تعالى نخرج
كنت عارف اني متضايق
وكنت ساعات بتبعت اعتذار
بس عن ايه
بيتهيالي مبتبقاش عارف
تعرف اني قريت محادثه بينه وبين كريم
وواللهي ما تلصص
انا عمري ما قولتلك وريني تليفونك وبتكلم مين وبتقول ايه
من زمان بطلت الموضوع ده
لاني حسيت انه مش من حقي
بس يومها كان كريم اجازه وفي ميتنج وغريبه انه غاب فجأه فقلت أشوف لو كان بعتلك على الوتس اب
فقريت بالصدفه
عن يوم العمليه وانه قالك هيطلعني انا الغلطان برضه
انت مدافعتش عني
عشان انت شايف كده صح
افتكرت ساعتها بس انك كتير كنت بتقولي اني مش بشوف نفسي غلطان
بس واللهي ابدا
ومش معنى اني ادافع عن نفسي في موقف معين يبقى مش بشوف نفسي غلطان
بس هات فعلا اي حوار كده وشوف انت اللي فتحته ولا انا اللي فتحته
ساعات بحس انك ممكن تفتح حوار مع حد انت مش طايقه
تبعتله رساله او تكلمه في حين ان معاهي لا
وزاد الموضوع مع دور البرد الاخير
حسيت اد ايه انا لوحدي

أنا لوحدي أوي كمان
أنا مش بقولك كل ده عشان ترجع في كلامك أنا بقولك ده يمكن تعذرني
يمكن تديني حق في أي تصرف غلط او كلمه وحشه قولتلهالك
انا عارف اني لوحدي
ويارب اقدر اتعايش مع كده
بس بجد
لا محتاج شفقه
ولا محتاج تصرف بحكم العاده
ولا حتى محتاج تصرف منك عشان هو ده العادي بتاعك
انت اخترت
واتصرفت في الشهور الاخيره باختياراك
والكم يوم اللي فاتوا خير دليل على انه اللي بينا فعلا
كلام
لا انا موجود في مشاكلك
ولا انا حتى بيسمع
وبالمثل
انا حاسس اني لوحدي

مش عاوزك تكون زعلان
ربنا يقدرلك الخير