وحشتني الكتابة هنا
وعشان كمان مكتبش في الفيس بوك او في تويتر
النهارده كالعاده وكعاده كل أيامي كئيبه
أضايقت فجأه ومأعتقدش أن السبب أن حاتم مفتكرش ميعاد القطره بتاعتي أكيد الموضوع أكبر من كده بس أشمعنى النهارده معرفش
بس مش عاوز أتواجد على الفيس بوك ولا على تويتر ولا عاوز حد يقرا أنا بفكر في أيه
عشان كده هرجع أكتب هنا تاني
أتكلم عن مين النهارده؟
مش عاوز أتكلم عن حد معين
أنا بس عاوز أكتب وخلاص
حطيت لنفسي القطره النهارده أول نوع وقفت قدام المرايه عشان أعرف أنشن وبعد كده لاقيتني مش محتاج مرايه أيه المشكله مره هصيب ومره هخيب
مش عارف ليه بقيت بنزعج لو مضطر أطلب حاجه من حد حتى لو الحد ده أقرب ليا من نفسي بس مش عاوز أطلب وحتى لو الحاجه حاجه تافهه بس برضه مش عاوز أطلب
بشتكي من الوحده ومع ذلك بعمل أسوار
بس يمكن عشان ساعتها أتلكك وأقول أني وحيد بأختياري مش غصب عني
كل ما نتكلم أنا وحاتم عن الموضوع نوشك على الخناق أو نتخانق فعلا
أنا مقتنع أن كل الناس بتكدب
وأن مفيش حد حواليا بيحبني
وهو مقتنع بالعكس
مش عارف مين فينا الصح
الأيام هتثبت
النهارده المهندس خياط كلمني أكتر من مره
مكنتش كلمته من ساعه العمليه وهو بيقول أن يوم العمليه الصبح هو حلم بيا أن عنيا وجعاني وأني بشتكي منها وكنت في نفس اليوم رايح أعمل العمليه
والنهارده كالعاده في الفتره الأخيره برضه حسيت المكالمه فاتره بس على العموم كتر خيره أنه بيسأل
ساعات بفكر أني أرجع أكلم أحمد
أسمعله أو أكلمه
بس على الأقل ساعات كان بيتصرف ساعات أنه فعلا بيحبني
مش عاوز أبني أحلام عشان مفروض أنه هيكون هنا بكره وأنا عارف أننا في الشغل دايما بنتخانق
أرماندوا شكله عنده حق
أنا حد مش كويس
دايما دلوقت بقيت بفكر أني أهرب
أروح او أنام أو أبقى لوحدي
طيب ما أنا دايما لوحدي
بكره أن شاء الله هيكون أحسن
دلوقت قولت أمشي أروح يمكن يكون كده أحسن
إيهاب قال أننا كنا متفقين ننزل النهارده نشتري كم حاجه
مخنوق أوي
دلوقت قولت أمشي أروح يمكن يكون كده أحسن
إيهاب قال أننا كنا متفقين ننزل النهارده نشتري كم حاجه
مخنوق أوي
No comments:
Post a Comment