أمبارح أزداد كأبه في نهايته
كالعاده اللي أتعودت عليها من يومين
مأكلتش أي حاجه شربت نسكافيه وبس حتى لما خرجنا أنا وحاتم وخله بعد الشغل عشان نشتري النجف رحنا محل الكبده اللي بحبه في وسط البلد بس رفضت أني أكل
خرجنا بعدها نشتري النجف
حاولت أتفاعل
بس كنت ساعات بفصل مقدرش
التعب كان زاد عليا ورغم أني كنت أخدت مسكن من درج أحمد شوقي قبل ما انزل وبعد ما نزلت اشتريت باندول كولد أند فلو وباندول عادي بس خفت أخد مسكن تاني وأكتفيت بقرص الباندول كولد أند فلو
وصلت البي بعد تسعه ميت من التعب والجوع
كان عندنا محشي ورق عنب يجنن
بس قلت مش هاكل كتير لأني هاكل وأنام فمش هكون بكده عملت أي حاجه من عدم اكلي طول اليوم
عاوز أفتكر النهارده أحجز عياده
معرفش ليه مكسل على موضوع أني أنزل أعمل التحاليل
كل يوم أقول بكره
جبت معايه النهارده تفاحتين من البيت عشان مفضلش اليوم كله من غير أكل
بفكر أكل واحده بعد الضهر وواحده قبل ما أروح
أحمد مجاش أول الأسبوع زي ما كان مفروض يجي
هيجي النهارده
يارب جبران مش يجي عشان مش ناقصه
أنا كده كده هفضل في المكتب مش عاوز أحضر معاهم
ممكن أحضر معاهم شويه صغيره بس
عاوز أخلص النهارده الشغل اللي قال عليه المهندس بيضون
بفكر كمان أبدأ النهارده يأما في مودل ال أو أف أم أو في البترل
عندي دلوقت حاله من اللا مبالاه
أرماندوا وصل
النهارده الحفله بتاعته
مش عاوز أطلع
بس مش هينفع
ممكن أطلع شويه صغيره
كنت بفكر من شوية في أن وأحنا بنودع إيهاب
أسألهم كل واحد يقول هيفتقد في إيهاب أيه بعد سفره
لاقيت أن أكتر حاجه هفتقدها أنا في إيهاب هي حضنه
هو الوحيد اللي بيسلم بحضن وقبله
ودايما بيفتح أيده على واسع وهو بيحضن
كنت بفكر من شوية في أن وأحنا بنودع إيهاب
أسألهم كل واحد يقول هيفتقد في إيهاب أيه بعد سفره
لاقيت أن أكتر حاجه هفتقدها أنا في إيهاب هي حضنه
هو الوحيد اللي بيسلم بحضن وقبله
ودايما بيفتح أيده على واسع وهو بيحضن
No comments:
Post a Comment