سارهدكتوره في الجامعه
في الثلاثينات من العمر
اتجوزت ساره من محمود
عشر سنين عجاف
فقدت فيهم نفسها لأنها مكنتش قادره تحبه ولا تعيش معاه
أتطلقت ساره
حبيت ساره عمرو
مهندس ديكور
انفصلت ساره عن عمرو عشان مش دايما موجود
حبيت ساره نديم
ساب نديم ساره
لأنه بطبعه مش مستقر
رغم تفتحه بس برضه بيجيله وقت يميل للمرأه الاضعف
رجعت ساره لعمرو
نورا
خريجه اداب قسم فرنساوي
بتشتغل في السياحه
من سن ساره
عاشت تجارب كتير
أتجوزت من خالد
خالد بيحبها بس منسيش انها كلمته عن كل تجاربها
أنفصلت عن خالد لما في خلاف بينهم حكى لأهلها عن تجاربها قبل الجواز
حسيت انها مش ممكن تحس بالامان مع راجل زي ده
دخلت بعدها في علاقات أكتر من علاقاتها قبل الجواز
محستش انها ممكن تلاقي الراجل اللي يخاطب عقلها وسمها طول الوقت في عنصر مفقود
نورا هي تقريبا راجل البيت بالمفهوم العصري
هي اللي بتصرف وهي اللي بتقضي مشواير
بتحشش عشان تنسى نفسها وتنسى همها
طول الوقت شايفه ان بره مصر أفضل من جوه مصر ومع ذلك مفكرتش تسافر وترتاح
حسام
صحفي
نفس لسن
متجوز واب لطفل رضيع
مراته منى مثال للزوجه المصريه في كل المسلسالات والافلام
بيحبس عن الحب
حاول يحب مراته ومقدرش
حب ليلى زميلته
وأتصدم لما أتجوزت ومكلفتش نفسها تقوله ويعرف بالصدفه انها اتجوزت
ولما بيشوفها بعد سنين من جوازها بيستغرب أنها مش القطه الصغيره وانها سيده تغطيها الشحوم
بيبحث عن حسام اللي ضاع منه خلال السنين في بحثه عن الرزق للأسره وللزوجه اللحوحه
دنيا
أنسه
الوحيده في القصه الانسه
الويده اللي أرتبطت بقصه حب واحده وبس
وكانت كمان قصه حب افلاطوني على عكس باقي ابطال وبطلات القصه
رغم أني كنت أتمنى أن قصه حبها الافلاطوني ميلوثهاش القبله اللي أتبادلتها مع حبيبها أحمد
أحمد بيسيبها وبيتجوز
مش عشان سمحتله أنه يبوسها
بس عشان هو غبي وأناني
يمكن تكون الوحيده اللي ضحيه
ضحيه أمها وضحيه نفسها وضحيه المجتمع
أربع قصص
كل قصه فيهم تدوخ
الكتاب يستاهل يكون تحت مخدتي شهر فعلا
لغايه النهارده خايف أوديه المكتبه حاسس أنيلسه عايزه معايا
ساره بأنطلاقها
ساره اللي دايما موجوده عشان غيرها والاهم انها موجوده عشان نفسها
ساره مبتخذلش ساره
ساره اللي دايما بتفكرني بخيبتي
نورا بجرأتها
نورا بحيويتها اللي ضيعتها بأيديها على الأدمان
نورا اللي مقدرتش أنها ترجع لراجل بيبحها عشان ثقتها فيه أتهزت
نورا اللي بتفكرني كتير بنهايتي
حسام بأنانيتها بأيثاره لغيره على نفسه
حسام اللي بيدور على حب يمكن يكون عمره ما هيلاقيه
حسام اللي بيفكرني دايما بضعفي
دنيا بسذاجتها
دنيا بأحلامها للخروج للعالم والتحرر
دنيا بمواقفاها الأيجابيه
دنيا حتى بحبها للتصوير
دنيا اللي طول الوقت بتفكرني أن ضعفي مش لازم يكون دائم
خلصت نون
أترددت كتير أني أكتب عنها
القصه أكبر من أن يتكتب عنها كم جمله
اكبر من أني أنا تحديدا اللي أكتبهم
بس يمكن لأني كان نفسي أكتب وعايز أهرب من الكتابه عني ففضلت أني أكتب عنهم هم أبطال نون بدل ما أكتب عنهم الأبطال اللي في حياتي
على الهامش في القصه كلام عن ليه ورود الحب حمراء
ركضت أفروديت مذعوره نحو أدونيس الذي جرحه دب في الغابة أثناء إحدى مطارداته للحيوانات البريه وفي ركضها المحموم جرحت ساقها في عود زهرة بيضاء. لم تلبث أن جرت دماؤها في عروق الزهرة الدقيقة فتحول بياضها إلى الأحمر وعندما أعطته تلك القبلة الأخيرة شعرت بموته يسري في عروقها كسريان دمائها في شرايين الزهرة
6 comments:
اكتر شخصية اثرت فيا شخصية سارة
و اتعلمت منها حاجات كتيرة
و بجد اثرت فيا جداً
الرواية دي بحبها جدا
جميلة أوي صورة الوردة البيضا
اختيار موفق بجد
بحب كمان لما يبقى عليها قطرات بسيطة كدة:)
الرواية أخدت منك وقت كتير.. أتمنى تكون استمتعت بيها
بحب وصفك للشخصيات أوي و المختصر المفيد دة :). في كل شخصية طبيعي نلاقي جزء مننا لأن في النهاية كلنا بشر و لينا نقط ضعف و قوة
سارة أكيد الكلام عنها كتير أوي وانت مش مطالب بالكتابة كلها... بس شخصيا مش فهمتها أوي يمكن بالقدر الكافي
بس حبيت فيها إنها بتدور على حلمها..أو على الأقل على حد بجد يحبها. مش قالت خلاص هي دي حياتي و فضلت مستمرة وهي مش سعيدة
كتير ناس بتخاف من التغيير لمجرد إن كلمة الاستقرار أحسن..حتى لو كان استقرار من غير أي إحساس أو نشوة
نورا... شايفاها ممكن تكون شخصية قريبة منيمش عارفة ليه
طبعا مش في تفاصيل القصة دي ..بس موقفي هيبقى زي موقفها لو جوزي أفشى سري في يوم من الأيام..مهما كنت هحبه فيه حاجات مش ممكن أكمل بيها
يعني ممكن أكون سامحته، لكن صعب نرجع زي زمان. بالنسبة لي دي خيانة كبيرة أوي إنه في لحظة ضعف بيننا يكسر الثقة الموجودة تماما كدة
حسام... تعاطفت أوي مع بحثه عن الحب. صعب أوي حد يعيش طول حياته بيدور عليه ومش لاقيه. بس كمان مش فهمت إزاي بيدور و هو ليه أسرة صغيرة
يعني لو كان لقى الحب بجد...كان هيعمل إيه في الست دي؟
:)
دنيا.... مش فيه كلام أقوله عنها
دنيا هي بنات كتيرة أوي موجودةحوالينا
بس مش أي بنت برده. لأن فيه بنات ماشاء الله أقويا أويو أكيد بيحسوا يعني وكل حاجة..بس مش زي النوع التاني
الحالم، شديد الحساسية..... هي كدة للأسف،و بتمنى محدش يبقى زيها عشان هي في الآخر اللي بتتعب مش حد غيرها
دنيا اختيار الاسم موفق أوي. عشان حبها للحياة وأحلامها
اتعلم من دنيا ومن سارة اللي انت قلته في الآخر
و ان شاء الله عمرك ما هتبقى زي حسام
إن شاء الله تلاقي نصك التاني قريب أوي. بس ساعتها إوعى تتردد وتخسره عشان خاطري
انطلق زي سارة :)و حب حياتك. أنا كمان بحاول والله مش بنصح بس يعني :).نورا... متأكدة إنك مش هتبقى زيها
تحياتي كتير
وآسفة للإطالة الفظيعة الشنيعة
ازيك
حمد الله على سلامتك
اممممم انا شفت الورده دى فين قبل كده؟
دى اهديتهالى واحده من المدونات اللى بحبهم وحاطاها فى بلوجها باسمى :)
حلو ان قصه كل بطل فى كلمتين دى
تعرف انت لما نوهت عن القصه دى زمان فى واحد من بوستاتك انا مكنتش حاباها ابدا
بس دلوقت حاسه انى عايزة اقراها
يمكن لانى حاسه انى عايزة اعرف ساره اكتر ؟
او لان دنيا صعبت عليا اوى رغم غلطها اللى انا مش راضيه عنه
او يمكن لانى عايزة اقرب اكتر من نورا
اللى اسمها زى اسمى فى الورق :)
برافو انك قدرت تحدد انت تشبه كل شخصيه فى ايه
انا جيت احدد ماعرفتش
يمكن لو قريت القصص اقدر؟
مش عارفه
شكلى كده هقول يمكن ويمكن ويمكن زى عادتى وبرضو مش اعرف اجابه ولا يمكن منهم
على الهامش
اامر انت بس ياهندسه
انا عموما مش فاكره كنت بشتغل عليه ازاى بس بسيطه اتعلمهولك من تانى واعملك اللى تامر بيه
ولا اقولك انا ناويه اتعلم بريميفيرا لما اخدها هبقى اعرفك :)
عزيزي كريم
تعرف أني كنت مش مستغرب كونها أكتر شخصيه أثرت فيك
مش عارف ليه بس يمكن عشان في مواقف كنت أحسها منك
زي موقف لما عملت عزا لحبيبها مش عشان مات بس عشان مش هيكون موجود تاني في حياتها
وكمان لما قابلته مره تانيه
مش عارف ليه ساعه ما قريت الكومنت افتكرت الموقفين دول تحديدا وحسيت أنها بجد لازم تكون أكتر شخصيه تأثر فيك
نورت
عزيزتي الفراشه
أتفضلي الورد واللهي متغلاش عليكي
:)
ساره صعب أكتب عنها
يمكن عشان في موقف كرهت اني زيها وفي مواقف أتمنيت اكون زيها فالحيره يفها كانت كبيره
بس أنا كنت بحسني دنيا أكتر بس مش في نهايتها
يمكن يكون سبب قربك لنورا حب اللغات؟
تصرف خالد كان بجد بشع بس مسمنعش انه موجود
الأجابه عن حسام كانت على لسان حسام نفسه في بدايه القصه لما كان هيصارح مراته بحبه ليلى قبل ما يعرف ان ليلى أتجوزت من غير ما تبلغه
وكان هيسيب القرار لمراته في التكمله معاه من عدمها
نسي ساعتها أبنه
بس حسام كان بيجيب لمنى مراته ورد تخيلي
حسام كمان حاول يساعد في انجاح زواجه بس بيتهيألي أنه مش جاد عشان كده منجحش
بجد انا لغايه دلوقت مش عارف ارد على الكومنت ده بس بجد شكرا أوي عليه
نورتي جدا جدا
وبلاش الغيبه الطويله
على الهامش
البوست الأخير أتشال ليه؟؟؟؟؟
عزيزتي حبيبه
أنا الحمد لله بخير
أنتي اللي غايبه في الأجازه ياترى أنشغال ولا؟
أنا مسرقتش الورده واللهالي منكرش أني بعشق الورد بس أنا ضد السرقه
:)
هي القصه تستاهل بغض النظر اني مليش في الثقافه الفرعونيه وكان بيدوخني الكلام عن الفراعنه فيها بس برضه حلوه
دي دنيا اقل واحده فيهم في الغلطات
Post a Comment