أنا وأنت .. ظلمنا الحب ظلمنا الحب بايدينا
وجنينا عليه .. وجرحناه ما داب حوالينا
ما حدش كان عايز يكون أرحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بتلقاه .. أنا وانت
أنا وانت ظلمنا الحب بالغيره وجبنا للظنون سيره
وقطعنا الأمل مرات قصاد الشك والغيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
أنا وانت
أنا وانت .. نسينا نتعاتب ونتصارح
وعز عليك تسيب العند وتسامح
وعز علي أكون البادي واتصالح
وأصبح كل يوم بينا يفوت أصعب من امبارح
نسينا رقة العاشقين قسينا واحنا مش داريين
نسينا ازاي كده نسينا وايه ده اللي جرى لينا
أنا وانت
أنا وأنت اللي كنا زمان أحسن اتنين واحب تنين
وكان أكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
أنا وانت
وجنينا عليه .. وجرحناه ما داب حوالينا
ما حدش كان عايز يكون أرحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بتلقاه .. أنا وانت
أنا وانت ظلمنا الحب بالغيره وجبنا للظنون سيره
وقطعنا الأمل مرات قصاد الشك والغيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
أنا وانت
أنا وانت .. نسينا نتعاتب ونتصارح
وعز عليك تسيب العند وتسامح
وعز علي أكون البادي واتصالح
وأصبح كل يوم بينا يفوت أصعب من امبارح
نسينا رقة العاشقين قسينا واحنا مش داريين
نسينا ازاي كده نسينا وايه ده اللي جرى لينا
أنا وانت
أنا وأنت اللي كنا زمان أحسن اتنين واحب تنين
وكان أكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
أنا وانت
أم كلثوم
ظلمنا الحب
6 comments:
ليه كدة بس؟
:(
بصراحة مش لي في أم كلثوم خالص،ولا ناوية يكون لي كمان
ألحان و كلمات أيوة. لكن أسمعها
نووووو
على فكرة محدش بيظلم الحب
عشان هو معنى كبير أوي، و لو كان فيه ظلم يبقى كل واحد ظلم التاني و بس
لكن الحب متخافش عليه
اليوميات كانت بتفكرني بمدونتك القديمةعلى فكرة:). يارب دايما سعيد
تحياتي
عزيزتي الفراشه
ليه الوش الزعلان بس
الأغنيه مش أكتر من حاله لكن مش بمر بيها أنا اعرف الأغنيه من زمان وسمعتها من يومين في الحلقه الأخيره من مسلسل بعد الفراق ومن يومها وانا عايز أكتب كلماتها والنهارده بس فعلت
انا مش ليا بصراحه في الالحان والموسيقى عامه لكن دايما بيتعبني او يفرحني الكلام اللي في الاغاني ولما سمعت الكلمات لأقيتها بتمسني أوي في أوقات كتير
فعلا ممكن الواحد يعز عليه أنه يسيب العند ويسامح رغم ان مفروض ان محدش يشيل في قلبه حاجه وحشه لحد
يمكن الجمله دي تحديدا هي دايما اللي بيشدني لأغنيه دي
على سيره ظلم الحب لسه النهارده كنت بكلم "زميل" وبيقولي قول وقلتله عايز تسمع أيه فأتريق عليا وقالي أسمع أم كلثوم مش حضرتك الراديو
فقلتله
ياللي ظلمتوا الحب وقلتو وعيدته عليه وقلتله عليه مش عارف ايه العيب فيكم يا ف حبيبكو أما الحب
وبلاش أكمل بقى عشان ختمتها انا بضحكتي المفتعله اللي مش هعرف اكتبها
:)
مدونتي القديمه
أنتي بتعدي عليها؟
أنا مره رجعت أقرا بوست منها فكنت ساعتها همسحها
ده أنا كنت بكتب فيها كل اللي بيحصلي يمكن لأنها فعلا كنت نسخه من نوتي الصغيره ويمكن لأني كنت أصغر وأقل قيودا ويمكن عشان كده مش بقدر أكتب هنا يوميات غير بس لما
أكون متضايق ومش قادر أتخطى الحاله
بجد مبسوط بالكومنت
بس صحيح أنتي أيه رأيك في كلمات الأغنيه
بتوجعنى أوى على فكره :(
بحب اسمع ثومه اوى لكن كلمات الاغنيه دى بتأثر فيا اوى
يمكن لانى اتعودت من ثومه انها لما بتأسى بتأسى اوى زى لسه فاكر وفات المعاد انما هنا بحسها موجوعه اوى بزياده :(
صحيح ليه اخدت عهد بعدم كتابه اليوميات
طيب دى كانت بتريحك
خلاص يبقى الافضل انك تكتبها كل ماتبقى محتاج لها علشان تريحك
الحاله بتاعت الاغنيه بكرهها اوى
حاله العند فى الحب ايا كان نوعه لحد مايموت
ازاى بس اذا كان قايم على المسامحه والتضحيه
يارب مش تمر بيها ابدا
رأيي في كلمات أنهي أغنية؟
:)
اللي في التمبليت بتاعة الخصام؟و لا بتاعة البوست؟ و لا اللي في التعليق؟
:)
كل واحد منهم حالة، بس في النهاية كلهم بيتكلموا عن حاجة دايما قريبة مننا أكتر مما نتخيل
الفراق
بتاعة"ياللي ظلمتو الحب"دي... لسة من شهور قليلة أوي كنت أول مرة أسمعها، بس حبيت كلماتها أوي
لأنها صح جدا جدا،ويمكن دة كان نفس المعنى للي قلته في تعليقي الأول
أغنية البوست.. مش كنت ناوية أعلق عليها بصراحة:)،وبرده مش قادرة دلوقتي
بس هقول جملةوحدة عشان مش تزعل،وبقية التعليق يمكن أكتبه في يوم من الأيام في بوست
الجملة... ساعات بيكون نفسي أعمل اللي هي بتقول عليه دة
:)
أنا وانت .. نسينا نتعاتب ونتصارح
وعز عليك تسيب العند وتسامح
وعز علي أكون البادي واتصالح
وأصبح كل يوم بينا يفوت أصعب من امبارح
نسينا رقة العاشقين قسينا واحنا مش داريين
دي أحلى كلمات في الأغنية
عزيزتي حبيبه
معلش هو أنا دايما كده شرير واوجع الناس بكلامي
بطلت أكتب يوميات عشان حاجات كتير منها ان هنا مش زي النوته الصغيره بتاعتي ومنها أن كتابتي لليوميات مش دايما بتكون حل أني أخرج من حاله ومنها أني لما قررت أني اكتب يوميات في المدونه دي من أول مره كتبت فيها يوميات أنها تكون يوميات لتغيير المود مش أكتر
متبقاش هي الأساس يعني
هو انا الحمد لله بحب الأغنيه وبس لكن العند عموما بيقوله انه من صفاتي المميزه
:)
نورتيني
عزيزتي الفراشه
أنتي تعرفي أن بتاعت الخصام بتاعت سومه
بحب الأغنيه دي اوي على فكره
أختيارك للجزء ده نفس أختياري تمام
لأن هي دي أكتر حته بحسها في الأغنيه
انتي تعرفي أن عشقي لأم كلثوم أو تحدديا لكلمات اغاني أم كلثوم بدأ بدري أوي وأنا صغير وكنت بحس بكل الكلمات وكانها تعنيني بشكل ما
على الهامش
بخصوص بوستك الخاص بيوم السبت ساعتها أفتكرت أغنيه أنغام بتاعت في الركن البعيد الهادي
تعرفيها؟
كنت ساعتها حتى هقولك عليها في الكومنت
دعواتك
Post a Comment