عندي مشكلهمن زمان متعود أني مصدقش اللي أسمعه
وزاد ده معايا بعد ما أشتغلت
وخصوصا الفتره اللي أشتغلت فيها في حقول شركتنا الموقره
كنت وانا في الحقول ممكن أسمع نفس المعلومه او الخبر أكتر من مره في اليوم الواحد وكل مره بشكل مختلف ، في الشغل ممكن انت اللي تقول المعلومه وفي آخر اليوم واحد يجي يقولهالك بشكل مختلف تماما
ممكن تكون عاده مصريه أو طبيعيه أنسانيه
طول عمريأسمع خبر من حد او معلومه حد يقولهالي ومأخدهاش أمر مسلم بيه
بس مش هي دي مشكلتي
مشكلتي أني مش بعرف أطبق ده على المشاعر والاحاسيس
ممكن حد يقولي كلام حلو وأصدقه مباشره
في حين ان لو شغلتي مخي شويه صغيره هلاقي أن مفيش أي ذره صدق في كلامه
في حل للمشكله دي؟؟؟؟؟؟
4 comments:
بصراحة أنا معرفش حل
ممكن أقوللك ببساطة افصل بين كل اللي بتسمعه عن شخص أو موقف لحد ما تقابله بنفسك، بس عارفة إنه في أرض الواقع صعب تفصل فمش عندي الحل أنا آسفة
ازيك يامحمد
واضح انى غبت كتير
وفاتنى كتير عندك
قريت ردك اللى كان من 10 ايام تقريبا وبتقولى غايبه
امال المده دى ابقى ايه..؟
مت؟
عموما متشكره انك اهتميت تسأل يامحمد ربنا يكرمك ومعلش لانى مش بدخل نت من وقتها مش مشغوله انما كنت عيانه ومش بتحرك من السرير اساسا علشان ادخل نت
والحمد لله بدأت استرد صحتى شويه
حتى انا ببعت من بره لان النت عندى فاصل
مشكلتك نفسى اوصلها وابقى كده لان اصعب مشاكلى فى شخصيتى انى بصدق اى حد فى اى كلام وبكتشف كتير انى هبله وعبيطه ومضحوك عليا
ادعيلى بقى
سلام
عزيزتي الفراشه
في مشاكل كده هتفضل بيتهيألي مشاكل بدون حل ويمكن اللي بيصعب حلها أننا في حته جوه قلوبنا بترفض الحل الوحيد المتاح
عزيزتي حبيبه
سلامتك من المرض أولا
وان شاء الله يكون زال تمام
وتكون الآه خرجت وخرجت معاها كل التعب
أن معاكي ان تصديق الغير صعب بس كمان عدم تصديقهم صعب
المعادله دايما صعبه
Post a Comment