تاني ايام العيد
امبارح وعلى غير العاده سهرت شويتين وده كان فرصه اني شوف فيلم على
one tv
وكان عن الباليه وانا بحب الباليه جداوكمان الفيلم كان من النوعيه اللي بحبها
وهي ان حد تبقى كل الظروف بتقوله انه مش هينجح ومعظم اللي حواليه شايفين انه هيفشل
ومع ذلك بينجح نجاح فظيع
وعشان المناسبه – وبعيد عن الكأبه- وبناءً على طلب الجماهير
اسيبكم مع بمبي
بمبى ... بمبى .. بمبى ..بمبى بمبى بمبى بمبى
الحياة بقى لونها بمبى ..و انا جنبك و انت جنبى
و انا جنبك .. يا حبيبى .. يا حبيبى و انت جنبى
الحياة بقى لونها بمبى .. بمبى بمبى بمبى بمبيى
شوفت شوفت شوفت .. سحر الحب .. عامل فيا إيه ..؟
دوشة حلوة حلوة حلوة ... زى ما يكون سيمفونية
حتى قلبى اتجنن .. و بيرقص باليه
بقى دا اسمه كلام ياهوه .. ؟
بشويش عليا
الهنا مزغلل عينيا
مش باشوف غير بمبى بمبى
الهنا مزغلل عينيا
مش باشوف غير بمبى بمبى .. بمبى بمبى بمبى بمبى
كنت باهرب .. قال و اقولك ... قال و اقولك آه .. و لأ
خدتنى بالقوة .. وريتنى ياروحى ... السعادة
أشكرك يا حبيبى
عندك ألف حق
دا الهوى و العشق مالناش فيه إرادة
كل مادا نتوه زياده
لما نبقى ملايكة بمبى
كل مادا نتوه زيادة
لما نبقى ملايكة بمبى
بمبى بمبى بمبى بمبى بمبىىىى
بيت .. صغنن .. فوق جزيرة .. لوحدنا
و العنب طالع .. و ريحة البحر هلا
حلم ولا حقيقة سيان عندنا
المهم نكون سوا .. و كله على الله
بوسة و نغمض و يالله .
.نلقى حتى الضلمة بمبى ..بوسة و نغمض و يالله ..
نلقى حتى الضلمة بمبى ..بمبى بمبى بمبى بمبىىىىىى ..
4 comments:
الف بعد الشر عنك يامحمد
مكنتش عايزاها يارب انا دى :((
يارب تكون صحتك تمام يارب زعلتنى اوى عليك
انا فرحت بالبوست ده اوى قلت الحمد لله محمد فك بس اتمنى من ربنا يكون مكتوب من القلب والدنيا بمبى بجد :)
عيدك سعيد والف اسمه عليك يان شالله .....أنا :)
:)
سبحان الله
أنا كمان مش من الناس اللي بتحب تسهر
و إمبارح كان يوم شديد الملل فكان أدعى إني أنام فعلا
بس عارف عملت إيه؟؟ اتفرجت على فيلم باليه في
one tv
:)
وكل شوية أبص للساعة بس كنت عاجبني أوي الفيلم لأني أصلا من عشان الموسيقى الهادية و رقص الباليه..بحسه راقي بطريقة مش ممكن تتخيلها، دة أنا حتى بعدما الفيلم خلص فكرت إني هكتب بوست قريب عن الباليه:) بس لسة بفكر طبعا لأن مش كل حاجة تنفع تتكتب
و النهاردة أول ماصحيت حساني عايزة أعمل زيهم إمبارح بأة وبتاع:). لأني فعلا بحس إنه فن جميل و بيطلع كل اللي جواك بسلاسة أوي
يارب يكون يومك النهاردة كان أحسن من إمبارح
مش هطول مرة تانية. آخر مرة ان شاء الله
تحيـــاتي
حبيبه
ولا يهمك انا كده كده ربنا كان كتبلي دور البرد ده وانا اللي اهملت بصراحه وكمان على رأي صديق ممكن يكون في الأول كان برد سياسي وقبل بجد
يارب يكون عيدك سعيد ان شاء الله
على الهامش
عرفتي انا ليه بطلت أقول أنا؟
عشان ابواب السما بتكون مفتوحه ساعتها
عزيزتي الفراشه
:))
مش مستغرب طبعا طيب تعرفي اني كنت بدعي انك تكوني فعلا بتتفرجي عليه
انتي عارفه ان كان عند اختي الكبيره جزمة باليه - عشان حصص الألعاب- وكنت بلبسها ساعات وكنت بقدر اقف فعلا على اطراف صوبعيني بس لفتره مش طويله اوي بس دلوقت-وبعد زياده الوزن والتقدم في السن- بقيت يدوب اقف لثانيه او اتنين على الاكتر ومقدرش استحمل وطبعا مبقتش بقدر امشي وانا في الوضع ده زي زمان
وكمان في الشغل لما بيشوفني بعمل اي حركه فيها ليونه أقولهم اصلي كنت بتدرب باليه وانا صغير - عشان الحسد انا مش هفضل طول عمري عندي ليونه كده يعني:)-
هنستنى بوست الباليه بتاعك لاني متأكد أنه هيكون جامد آخر حاجه
على الهامش
انا نزلت كلمه الأغنيه مخصوص عشان حتى حاتم لما قلتله على المقطع ده من الأغنيه قالي أنه مش فاكره فقلت لأ هو انا خرفت ولا أيه
Post a Comment