من فتره بيرن في وداني كلمات اغنيه فيروز
بكتب اسمك يا حبيبي عالحور العتيق
بتكتب اسمي يا حبيبي ع رمل الطريق
وبكرة بتشتي الدني عالقصص المجرحة
بيبقى اسمك يا حبيبي واسمي بينمحى
كنت بحس انها لما كتبت اسمه على الحور العتيق مش بس عشان عايزه اسمه يفضل موجود لأ عشان كمان اسمه يكون على شيء غالي مسترخصتش يعني لكن هو استرخص اول حاجه قابلته كتب اسمها عليه بس كان مفروض تحمد ربنا برضه
بحكي عنك يا حبيبي لأهالي الحي
بتحكي عني يا حبيبي لنبعة المي
ولما يبدور السهر تحت قناديل المسا
بيحكوا عنك يا حبيبي وانا بنتسى
بتحكي عني يا حبيبي لنبعة المي
ولما يبدور السهر تحت قناديل المسا
بيحكوا عنك يا حبيبي وانا بنتسى
ولما حكيت عنه مش بس عشان سيرتهم تكون على كل لسان ولكن عشان تسمع الناس وهما بيكلموها هي كمان عنهم عايزه مشاركه في الحكايه مش بس تستمع هي بالحكايه وخلاص زي ما هو عمل
وهديتني وردة فرجيتا لصحابي
خبيتا بكتابي زرعتا عالمخدة
هديتك مزهرية لا كنت تداريها
ولا تعتني فيها ت ضاعت الهدية
خبيتا بكتابي زرعتا عالمخدة
هديتك مزهرية لا كنت تداريها
ولا تعتني فيها ت ضاعت الهدية
لكن الحاجه الوحيده اللي مفهمتهاش هي ليه زعلت انه ادها ورده ده كان التصرف الوحيد اللي عمله كويس وكمان تصرفها هي كان غلط خالص بموضوع المزهريه دي هي أي نعم كانت عايزه تديله حاجه عليها القيمه بس مش لدرجه مزهريه يعني
وبتقلي بتحبني ما بتعرف إديش
ما زالك بتحبني ليش دخلك ليش
لو مش عارف تقول أد أيه روح عند ولو وهو يديك درس في النسبيه
بكتب اسمك يا حبيبي عالحور العتيق
بتكتب اسمي يا حبيبي ع رمل الطريق
وبكرة بتشتي الدني عالقصص المجرحة
بيبقى اسمك يا حبيبي واسمي بينمحى
بتكتب اسمي يا حبيبي ع رمل الطريق
وبكرة بتشتي الدني عالقصص المجرحة
بيبقى اسمك يا حبيبي واسمي بينمحى
على الهامش
مش مفروض نقلل من قيمه اللي بيقدمه الطرف التاني لانه ممكن يكون بالنسبه ليه حاجه كبيره قوي وكمان بالنسبه لغيرنا
5 comments:
أه صح أنا معاك
أنه لما اداها وردة كان أرق من أنها أديته مزهرية
على الهامش
مش مفروض نقلل من قيمه اللي بيقدمه الطرف التاني لانه ممكن يكون بالنسبه ليه حاجه كبيره قوي وكمان بالنسبه لغيرنا
دا مش ولو بس اللي مهتم بالنسبيه أنت كمان ولا أنت مش واخد بالك
:)
من فضلك..اتبع الخطوات التالية
القي نظرة تانية على البوست اللي كاتبه
تاني حاجة: بص على آخر هامش كتبته في ردك علي تعليقي في البوست اللي فات بتاع شرم الشيخ
وبعدها.. اعمل علامات تعجب كتييير كدة "!!!!!" وبعدها ابتسامة صغيرة
:)
دة تعليقي
:)انت خليت فيها إلهام فراشة خالص؟؟
كلمات جميلة أوي
بس لعلمك معظم الوقت البنت هي اللي بتبقى مكان فيروز، و الطرف التاني مش بيقدر الإحساس بنفس الدرجة دي
تحيلي جمييييل واختيار جميل لأغنية أجمل
:) تحياتي... وربنا يوفقك في شغلك لأن واضح إنك مشغول و ناسي مدونتك
عزيزتي ذات القلب النابض
بذمتك مش صح والله كان راجل حساس ويارب تكون كنت ورده بيضاء اللون عشان أنا بعشق الورد باللون الأبيض
على الهامش
يمكن أكون مهتم بالنسبيه انا كمان بس نسبيتي غير نسبيته ولا ايه؟ :)
عزيزتي الفراشه
:)
ماشي أتبعت الخطوات بس برضه مش مقتنع أن إلهام زرتني أصلها كانت بتكرهني هو أنا مش قلتلك أنها كانت معده عندنا وكانت أول معيده في قسم بترول
أنا معاكي تماما ويمكن عشان كده بتعاطف أكتر مع البنت وكنت لسه بتكلم في الموضوع ده مع زميلي العزي من الشغل وبقوله أن حتى في الروايات اللي بقراها بتعاطف مع البنت دايما بس ما أهو واللهي أنا كمان من الولاد او هكذا يشاع وأحب أني أكتب على الحور العتيق وأحكي للناس بس محبش أهدي مزهريه بصراحه بس لو أتهدالي ورده هحكها في كتاب بعد ما فرج عليها الناس وأنايمها على المخده
:)
على الهامش
بالنسبه للجمله الأخيره في البوست يمكن لفتت النطر لأني حسيتها أوي أصل البوست ده أنا كتبته اليوم اللي قبل عيد ميلادي ومغيرتش فيه غير الجمله اللي أتكلمت فيها عن نسبيه ولو وكانت الجمله دي ساعتها خارجه من جوه أوي
تحياتي جدا جدا جدا
Post a Comment