شيء مر جدا انك تنتظر
أحتاج إليك وأهرب منك وأرحل بعدك من نفسي
وبالذات لو طال أنتظارك ساعتها بتحس أن الدنيا صغيره جدا وأن اليوم طويل جدا وان الناس بعيده جد أحساس هو أقرب للمهانه
هو أنا لوحدي اللي بنتظر؟
الحب فرار والبعد قرار
وأنا لا أملك أن أختار
عمر الأنتظار ماكان قرار أتخذته بس مع ذلك مبملكش أني أغير وضعي ده
حبك يا لهفي تضحية وعطاءات من غير حدود
وأنا لا أملك أن أعطي ودروبي أمنية ووعود
أمصيري أن أمشي وغدي أمس؟؟
هو في حاجه متعبه أكتر من الأنتظار؟
آه في
المزيد من الأنتظار
على الهامش
أستعجلت الرحيل ورحلت في غير أوانك
7 comments:
هو الكلام اللي بلون تاني دة انت اللي كاتبه و لا كلمات واخدها من حاجة؟؟
عموما هي جميلة أوي، و البوست معناه رائع رغم إنه مش وقته خاااااالص
أحتاج إليك و أهرب منك و أرحل بعدك عن نفسي
بحسها كتيرأوي أوي أوي
أنا أصلا بقيت بعشق الهروب:)، دة انا حتى كنت بفكر جديا أغير اسم الفراشة دة و أقول إني "أعشق الهروب" فعلا
في الآخر بوست كلماته حزينةأوي..ربنا يبعد عنك و عن كل اللي بنحبهم الحزن
تحياتي
معلش ملحوظة بس صغيرة
عارف؟؟
أنا كنت هكتب قريب أوي بوست بنفس المعنى دة
بس مش لقيت كلام عارفة أقوله
ياخبر
مقيد ده ولا تلاتاشر علامه استفهام
وماتسالنيش ليه مستغرباك النهارده لان مش عارفه
بس حاسه انك لاول مره بتكتب فى مجهول لانى اتعودت من بوستاتك حاجتين
-انك بتكتب ببساطه اوى وبصراحه وبتقول احساسك
-ماتعتبرهاش معاكسه بيتهيأل بشوف فى كلامك رقه اعتقد مش موجوده فى الرجاله كلهم :)
على الهامش
انت عايز تعوضهالى الغياب الجاى وتقف جنبى؟
اعتبر ده انك عايزنى ادخل فى ازمات ؟
مكنش العشم تانى يامحمد
انت طلعت سوسه من جوه:))
صحيح
ادعيى اقدر اهرب وابطل انتظار
عزيزتي الفراشه
الكلام اللي بلون تاني هو كلمات أغنيه لماجده الرومي أسمها
أحبك وبعد
وهي فعلا أغنيه جميله
دي بصره للمره الكتييير أنا كمان تخصص هروب بس واضح من كلامك انه حاجه جديده عليك لكنه صفه اصيله فيا
اللي في اخر البوست من أغنيه لكاظم وان كنت أتذكر أنه كان بيغنيها لأبنه المتوفي ولكني كنت أقصد بيها المعنى الاقرب
مش أحنا اللي بنختار البعد ولكن فجأه بنلاقي نفسنا محاصرين بيه ومش عارفين نهرب منه وبالذات لو كان أختاره غيرنا
على الهامش أنا واثق انك كنتي تقدري تعبري أفضل ويارب ميكونش الدافع بالنسبه لك سيء كالدافع بالنسبه لي
تحياتي
حبيبه
يمكن مفيش بساطه المره دي لأنه مكنش بسيط عليا
وشكرا جدا على المجامله بس أحيانا بتكون الرقه في نظر الاخر جريمه لازم ندفع تمنها
على الهامش
طول ما في ناس بنتعامل معاهم طول ما هيكون في أزامات ومع ذلك يارب متكونش في حياتك ازامات تاني
تحياتي
الكلمات اللي في الآخر لكاظم و كان بيغني لحبيبته اللي ماتت. أغنية بحبها أوي أوي مع إني مش بقدر أستحملها
حاسة بجد باللي بتقول عليه جدا جدا و الله، بس ياريت مش تكون هربت وحطيت حواليك سور مش عايز كمان حد يوصللك منه. مش دايما الهروب حل صح
ربنا يفرج همك يا أخويا الجميل
يعني انت كمان جايب اغنية لماجدة الرومي
وانت عارف اني باحبها
يعني قاصد
طب ماشي
خد بقى ردي
"هو انا عندي
كام حبيب
علشان اغيب
عنك واسيبك؟"
تعرف مين ده؟
ربنا مش يفرقنا ابدا
ونفضل دايما زي ما احنا واحسن
على هامش غير بتاعك:
تفتكر لو مش كتبت اسمي هاتعرفني؟
طب تفتكر حد تاني هايعرفني؟
Post a Comment