زي النهارده

زي النهارده من سنين طويله أتولدت
أكيد كان يوم سعيد على البشريه كلها
الحمد لله يارب النهارده قضيت يوم كويس حبيت بس أسجل كده عشان انا زي القطط بنكر على طول وكل شويه ابهدل الولد معايا واقوله انت على طول منكد عليا فحبيت النهارده اسجل انه مش دايما منكد عليه J وأنه ساعات بيبسطني

النهارده اتنازل واتغدينا بيتزا رغم انه مش بيحبها وانه بس بيجي معايه عشان عارف اني بحبها جدا وكمان وزنا نفسينا وطلعت اتخن منه مش عارف ازاي بس الميزان اكيد مش مظبوط J
ايوه انا لسه مصمم انك أتخن مني
مجتليش غير مكالمه واحده من صديق عزيز
لأ مكالمتين بس الصديق صاحب المكالمة التانيه مردتش عليه عشان كنت في السينما
ايوه كمان دخلت سينما وكان فيلم زي النهارده كانوا عارفين انه عيد ميلادي والفيلم كان تحفه كان احلى حاجه ان السينما مكنتش زحمه وكمان لما كنت انفعل واشهق كعادتي فؤجئت النهارده ان السينما كلها كانت بتشهق في نفس الوقت وكان حاجه كتير حلوه احساس المشاركه
كان في ورانا ولد وبنت كان الولد مصمم يحسسني انها معاقه لاني كنت كل ما اقول تعليق كان يقولهولها كانه منه فكنت استغرب لانه فكرني بزميل بيحب يكرر الكلام وكمان فكرني بفيلم اللمبي

انا مبسوط اوي

على الهامش

أنا عارف اني زعلتك اخر اليوم لما فكرتك بأخر مره أنت انفعلت فيها عليا بس واللهي مش عارف ايه اللي سحبني من لساني وانا بجد اتبسطت اوي