الإنتحار

مش عارف مالي

وليه دلوقت مش بفكر في حاجه تانيه

ملوش علاقه بالمرض لاني في اي دور برد كنت بحس فيه اني خلاص دور البرد ده هيموتني كنت بفكر اكتر في الوصيه

وفي اليوم اللي ماما اشترت وصيه من الوصيه الشرعيه المطبوعه بعد درس ديني سمعته وان لازم كل واحد يكون محضر وصيته وقالتلنا دي وصيتي وبفضل افكر اني المره دي هموت ومفيش وصيه. وساعتها افتكر دي مش الكارثه الوحيده الكارثة اني خلاص هموت وانا لسه مش مستعد

المره دي وان كنت لغايه دلوقت مش عارف هو كان دور برد ولا كان تسمم من حاجه اكلتها بس مكنتش بفكر في الوصيه بس كنت بفكر في الانتحار ومش عشان ارتاح من الالم ولكن عشان ارتاح من الدنيا كلها بس ارجع تاني وافكر نفسي ان محدش بيتمنى الموت غير الجاهل بس انا مش بفكر ساعتها هيحصل ايه بعدها بس كل اللي بفكر فيه ان خلاص بجد خلاص

امبارح وقفت ابص من الشباك اللي في مكتب هاري وافكر هيجرى ايه لو دلوقت فتحت الشباك وملت بجسمي وقبل ما احس بأي حاجه هكون خلاص كل حاجه خلصت وساعتها رجعت تاني افتكر لا يتمنى الموت الا جاهل وافتكر كلام ماما وانا صغير اللي ينتحر ملوش مكان غير النار

تعبت

لما كنت تعبان كنت بفكر ابلع كل المسكن وبعدين افتكرت اني اختي مره قالتلي ان دي افشل طريقه والواحد هيفضل يتعذب ويتألم ومش بعيده يتعمله غسيل معده قبل ما يموت ويفضل عايش ويعاني.