وادي الربيع عادي من تاني

الدنيا ربيع والجو بديع قفلي على كل المواضيع

السعاده والتعاسه حاله فكريه
الإنسان ممكن يقنع نفسه أنه كويس وأن الدنيا جميله وأن الزهور مفتحه وأن الجو جميل وأن الناس قلوبها بيضا
ونفسيتها صافيه
وضميرها حي
وممكن كمان يقنع نفسه بالعكس

ممكن نتعامل مع الناس بحسن نيه وفي نفس الوقت مننصدمش لما يجروحنا
منزعلش لما يغلطوا فينا
عشان مبرمجين عقولنا على كده
مره واحد قالي زمان ان العقل مكانه القلب
في ناس بتفكر ان العقل مكانه المخ
أو ناس تفكر انه شيء معنوي هو روحنا هو ضميرنا هو كل حاجه جوانا مش ملموسه
بس ساعتها قالي ان العقل مكانه القلب
والدليل الآيه الكريمه
أفلم يسيروا في الإرض فتكون لهم قلوباً يعقلون بها
صدق الله العظيم

وعشان كده قررت أمبارح أني مش هزعل تاني
عارف أني مش هقدر
وعارف إن الإكتئاب مهوش بس مود وحش وهيروح بخروجه حلوه أو حتى شويه شغل زياده يخلوا الواحد مش عنده وقت ولا دماغ يفكر في حاجه تانيه
بس حل الموضوع كله أن الواحد ميستغربش

متستغربش انا مابهربش كل الحكايه ان انا فكرت لقتنى وصلت لحل
وقلت هيحصل ايه لو اتغيرت
رامي جمال