لا تُغلق على نفسك باباً وتطفىء الأنوار ثم تشكو وحدتك وظلمتك
أحمد المصري ... دفا السبرتايه
قريت الكلام من يومين ومن يومها مش عارف اطبقه ومش قادر انساه
مش قادر ارجع احب نفسي
فتحت المدونه من تني يمكن اقدر اكتب لأنها وهي مقفوله مش كنت بقدر اكتب
رحتي لمدونتي الجديده وحاولت اكتب وبرضه مقدرتش
فتحت الفيس بوك وحاولت اكتب ومقدرتش
فتحت تويتر وحاولت اكتب وبرضه مقدرتش
فتحت وقه ورد فاضيه وحاولت اكتب وبرضه مقدرتش
فتحت ورقه بيضا وحاولت اكتب وبرضه مقدرتش
فتحت نوتي الصغيره وحاولت اكتب وبرضه مقدرتش
مقدرتش الاقي طريق بيها اخرج نفسي من ظلمتي
2 comments:
غريبة أوي إنك كتبت النهاردة :). أنا لسة كاتبة... و برده فتحت عشان أكتب بس لقيتني مش قادرة أكتب... بس بلا مقدمات فتحت مدونة تانية خالص و كتبت فيها :). ومش كتبت أي حاجة من اللي كنت عايزة أكتبه
:))
هو فيه إيه؟! هو فعلا يوم جديد
بتمنى بكرة وبعده و بعده يبقى أحسن :). واعرف إني عرفت إن البلوج دة مفتوح بالصدفة وفتحت بلوجي بالصدفة و..مش علقت عند أي حد من زمـــان. فبتمنى بجد إن يومك وأيامك كلها تكون سعيدة
ارسم
بلاش تكتب
هات ورقة وارسم
شخبط
العب بازل
روح اتفرج على عرض باليه
او احضر حفلة غنائية فى ساقية الصاوى
ولا اقولك
انزل اتمشى فى الشوارع بلا هدف
واتفرج على الناس من جواهم
اتفرج على ناس عمر ما هايجى فى بالها ان حد هايهتم بحالهم ويبص عليهم من جوة
ولما ترجع بيتك
هتلاقى اللى هاتكتب عنه
سلام
اختك خيخة
Post a Comment