أمبارح اتأكدت أني مش كائن ليلي
لما كنت في الشركه امبارح بليل وفجأه لاقتني فصلت تماما
رغم ان بالنهار والواحد صايم مش بيبطل حركه ومش بيفصل بس بليل والواحد شبعان ويفصل خالص ده تفسيره الوحيد اني كائن نهاري
كنت بفتكر شهر تسعه من الشهور المحببه ليا
وبالذات ان امبارح كان عيد ميلاد واحد صاحبي اي نعم هو مش بيحب عيد ميلاده بتاع شهر تسعه ده وبيحب اكتر بتاع شهر سته بس مش مشكله
والنهارده عيد ميلاد أخويا الصغير وبعده بخمية أيام عيد ميلاد أخويا الكبير
ومش عارف لو فكرت تاني هلاقي اعياد ميلاد مين تاني الشهر ده
بس امبارح افتكرت ان في الشهر ده من سنتين وتحديدا يوم واحد وعشرين حصلتلي ازمه كبيره عانى معايه فيها اشخاص كتير
وكانت لسه مدونتي في بدايتها ايامها وكنت لسه تحت تأثير الصدمه
او هكذا يخيلي
5 comments:
على فكره تأكدك من انك مش كائن ليلى ده اعتقد مشكوك فيه
ممكن يبقى فعلا حقيقه بس وسيلة التأكد هى اللى مش صحيحه عارف ليه؟
لان اساسا حتى الكائنات الليليه اللى زى حالاتى كده بتفطر وعنيها بتقفل لوحدها
تخمة الاكل بس مش اكتر :)
بس هو انتوا بتشتغلوا بالليل برضو؟
ياحبيبى يابنى معلش ربنا يعينك:)
ربنا يقويك وكل سنه وكل اللى ذكرت اعياد ميلادهم طيبين وان شاء الله يكون شهر 9ده احسن من اى شهر 9فات:)
رمضانك اجمل دايما ان شاء الله:)
:)
و بعده شهر عشرة بحبه أكتر
يارب فعلا شهر تسعة السنة دي يكون أسعد شهر تسعة مر عليك من زمـــان اوي
كل اللي أعرفه في الشهر دة هو إن اتنين صحابي يوم ميلادهم 12 سبتمبر وبس. كل سنة واللي حواليك طيبين وكويسين ان شاء الله
هو لسه اليوم ده مخلصش عندك؟
!!
ان شالله تكون كويس
عزيزتي نور
معلش على التأخير بس لظروف خارجه عن الأراده
تخمه الأكل؟
هو انتي بتحبي الأكل زي ولا ايه؟
أنا على رأي عز الدين أبن ونيس متعتي في الاكل
:)
أحنا شغلنا اربعه وعشرين ساعه أكتر من الدكاتره شويتين
تصدقي نسيت ان انا اصلا اصلا من مواليد شهر تسعه
يمكن عشان كده مش بحبه
عزيزتي الفراشه
انا كمان بحب شهر عشره مش تحيز عشان عيد ميلادي ولا حاجه بس بحبه وخلاص
كفايه اننا انتصرنا فيه
:)
اتنين اصحابك مواليد نفس اليوم دي حاجه غريبه ومحيره في موضوع الهدايا
كل سنه وانتي اطيب وبلاش الغيبه بقى عايزين بوست جديد الجماهير تنادي
Post a Comment