تأملات

أمبارح كنت في السجل المدني
أنا مش عارف هما بيتفننوا أنهم يختاروا الناس اللي هتشتغل في التعامل مع الجمهور ان يكون خلقهم ضيق ولا أيه
كان ورا الشباك موظف راجل في اواخر الثلاثينات وسيده في اواخر الاربعينات وكلمتهم وواللهي بكل ذوق وقلتلهم لو سمحت عايز ورق بطاقه رد عليا بفراغ صبر مطلق وقالي في الشارع اللي ورا وقولتله ميرسي وانصرفت وانا بفكر هو زهقان مني انا ولا زهقان من الحر اللي انا واقف فيه في الشارع ولا زهقان من القبو اللي هو موجود جواه واللي من بره شايفه انا كزنزانه لتعذيب الموجودين داخلها واللي بدوره هيؤدي لتعذيب الموجودين خارجها
ولما يفوتني ان ارسم الابتسامه على وجهي عشان هو ملوش ذنب ان الجو بره زنزانته شديد الحراره لدرجه كدت تصيبني بالأغماء ولعل البسمه تحسن من يومه

انطلقت مهرولاً للشارع اللي ورا اللي قالي عليه عشان الحق اشتري الورق واهرب بجلدي من حراره الجو والرطوبة الخانقه وصلت عند شباك يجلس خلفه سيدتين في سن ما لا أعلم تحديد هل هو نهايه الخمسينات أم بدايه الخمسينات فلم أعد أهتم بشيء إلا بشراء الورقه اللعينه والرحيل
وقفت عند الشباك وكان واقف واحده لوحدها وشاب في بدايه فتره المراهقة واضح انه أتى لإستلام بطاقته الأولى والتي يتخيل أنها بوابه للمرور إلى عالم أخر وعلى الرغم من أني لم أكن أنظر في أي أتجاه بس يمكن عشان واقف ومستني أن المواظفه تلتفت هي وتسألني عن طلبي – على أساس أني واقف في ريسبشن فندق ومستني موظف الأستقبال- إذ بي أفاجىء واللهي بهذه السيده الفاضله تنهرني انت بتبص على ايه والظاهر انها تصورت اني اطمع في أخذ قطعه من ما تأكله واللي لولا أني فضلت أبحث عن سبب نهرها مكنتش أخدت بالي من أنها بتأكل أصلا
المهم رديت بمنتهى الهدوء وقالتلها عايز ورق بطاقه وهي تقريبا كانت خلصت الشحن وانتهت قدرتها على الكلام فسكتت وبصيت في ما كانت تأكل وفي بعض الأوراق أمامها ولم تنسى أن تنهر الفتاه الواقفه بجواري مما أدى لرحيلها مع تأكيد من جانبها أنها هتبعت حد أكبر يمكن يفهم هما عايزين منها أيه
تبقى الشاب المراهق وأنا وطبعا المواقف مكنش محتاج أني أفكرها أني بس عايز ورق بطاقه مش مقدم على طلب هجرة وفجأه السيدة الأخرى توقفت عن العمل وقالتلها أنا تعبت وسكتت شويه تقريبا على سبيل التشويق وكملت نفسياً
أنا تعبت نفسياً فزميلتها قلتلها أه أحنا محتاجين نروح نقعد في أي مكان هادي نريح أعصابنا ولولا أن المواقف مش مستاهل كنت هقولها أه فعلا يا ريت حضرتك تخدي أجازه فعلا وترتاحي شويه يمكن لما تخلصي الأجازه تحسي انك ممكن تتعاملي مع الجمهور بدون النظر أليهم وكأنهم من سكان كواكب أخرى أو من فصيله زوج الأم ومرات الأب في الأفلام القديمة بس طبعا وعشان فعلا المواقف مش محتاج سكت
إلى ان قضت أحدهم على احلام الفتى بالحصول على البطاقه السحريه عشان في بعض البيانات متسجله على الكمبيوتر مش مضبوطة وده خلاني أفتكر لما أكتشفت أن أسم ماما متسجل على الكمبيوتر غلط والشهور اللي أدبهدلت فيها كل البهدله الممكنه والغير ممكنه عشان موظف مأخدتش بالي وسجل أسم جد أمي تحت أسم عمرو بدل من عبده وعلى الرغم من تاكدهم انها غلطة موظف في التسجيل بس ده ممنعهمش انهم يلففوني كعب داير على كل السجلات المدنيه أفتكرت كل ده وأنا أنظر بكل أسى لهذا الصغير
وحانت لحظة المواجهة وأخيرا نظرت أحدهم لي وقالت نـــــــــــــــــــــــــــــــعم قالتلها عايز ورق بطاقه لو سمحتي
وبكل ما تحمل في قلبها من كرهة لصوره زوج الأم وبكل ما تحمله قلب أي أمراءة من جمعيات حقوق المراءه من كرهة للرجل ألقت بالورقه من خلف الشباك الحديدي ومنستش أقولها شكرا قبل الأنصراف رغم أن كل على لساني كلمة تانيه غير شكرا بس أمتنعت في اللحظات الأخيره أني أنطقها

كان نفسي أقولها أسف
أسف على الوضع اللي هي موجوده فيه ومن الواضح انه ضد رغبتها
أسف على أنها تخلت عن كل ما يميز أي أمراءه حتى وأن كانت طاعنه في السن من حياء ورقه وحسن تعامل
أسف على أنها موجوده في هذة الزنزانه لأكتر من ثماني ساعات يوميا مضطره خلالها لتحمل هذا الجو الخانق وهذه الوجوه من خلف الشباك الحديدي والتي بسببها لا تستطيع ان تتناول اللقيمات بدون ان تعمل يدها الاخرى عشان الناس متزعقش
اسف لأن مش في حد فينا مقدر انها مش بس عندها مشاكل في الشغل ولا مشاكل في البيت ولا مشاكل في الشارغ دي كمان ممكن يكون بيؤرقها قضايا الوطن أو الدين
أسف عشان بدل ما تكون مع اولادها تعدهم للمستقبل وتسلحهم بالاخلاق موجوده خلف هذا الشباك لتلقيننا فن التأمل