بداية قصة جديده
-
تعارف
-
-
حوارات
حوارات
-
-
اتصالات
اتصالات
-
-
حب
حب
-
-
شفافيه
شفافيه
-
-
ضحك
ضحك
-
-
فرح
فرح
-
-
خصام
خصام
-
-
دموع
دموع
-
-
صلح
صلح
-
-
ابتسام
ابتسام
-
-
تناقض
صمت
سكون
تناقض
صمت
سكون
جفاف
بعاد
هجر
وداع
نهايه
بدايه قصة جديده
بعاد
هجر
وداع
نهايه
بدايه قصة جديده
"أواخر الشتا"..
كنا ف أواخر الشتا قبل اللي فات..
زي اليومين دول عشنا مع بعض حكايات..
أنا كنت لما أحب أتونس معاه..
أنا كنت باخد بعضي وأروحله من سكات..
والناس في عز البرد يجروا يستخبوا
وانا كنت بجري وأخبي نفسي قوام في قلبه..
ولحد لما الليل يليل ببقى جنبه..
وأفضل في عز البرد وياه بالساعات..
على سهوة ليه الدنيا بعد ما عشمتنا..
وعيشتنا شوية رجعت موتتنا..
والدنيا من يوميها ياقلبي عودتنا..
لما بتدي حاجات قوام تاخد حاجات..***
وسط الشوارع ناس كتيرة مروحين..
والناس ياقلبي هما هما وهو فين؟..
وانا ماشية بتلفت وبسأل كل يوم..
بيعمل ايه دلوقتي وبيحلم بمين؟..
..
اليسا
6 comments:
تعرف إنك كتبت الخطوات صح أوي أوي أوي
:(
بس اشمعني شفافية بعد الحب؟؟ بحسها ممكن تكون في كل الخطوات لحد منطقة معينة و ..تبتدي تنسحب مرة بمرة
فيه مراحل من اللي كتبتهم صدقني بيتكرروا أكتر من مرة في سيناريو القصة المملة
حد قال لك إن البوست دة حلو أوي؟ مش عارفة :). بس لو محدش قال لك.. البوست بجد جميل أوي أوي، و عميـــــق جدا
بس مؤلم :)
اه مكرره
بس هى الوحيده اللى ممكن تتكرر كتير قدام عنينا ومش نملها ولا نزهق واحيانا ممكن نشتاق لها لو محصلتش
جايز احساسها الحزين بيقتلنا بس اوقات بيمتعنا وبنشتاق للبسمه اللى بتيجى بعد الصلح وانتهاء الخصام
البوست مكتوب صح جدااا وبإحساس جميل اوى :)
.
.
.
.
على الهامش
بخصوص البوست اللى فات;عندى حد بحبه اوى دايما يقولى "إن لم تعلم لنفسك حقها هوانا بها كانت على الناس اهون"
يمكن هى ماتنطبقش على البوست اوى بس يمكن حبيت اقولك لازم نفسك تكون اغلى عليك من اى حد لان مفيش حد هيقدرها زيك حتى لو اكتر حد بيحبك فى الدنيا
نسيت اسلم عليك
ازيك:)
يعنى بصراحه انت قولت كل حاجه بالظبط حتى متهيئلى انك مش نسيت حاجه وفعلا زى ما قولت ممله وتقريبا الاغلبيه بيمروا بيها خصوصا ومش عارفه ليه اسبابها انها بتنتهى بوداع وطبعا الاغنيه دى من اجمل اغانى اليسا وليها بجد مكانه خاصه مش شرط للى بيمر بقصه حب جو الشتا والغيوم وخصوصا لو فى ناس بنودعهم ونسئل هما ياترى بيعلموا ايه دلوقتى ومع مين زى ما اليسا قالت بس فينا نفول جمله فرنسيه بتقول ce la vaie هذه هى الحياه يعنى نقابل ناس ونفارق ناس ومش قادرين ننسى الى كان زى ما تامر بردو قال والبوست فيه شفافيه وعمق واضح جدا دايما فى تألق شكرتنى فى البوست الى فات انا الى بشكرك دلوقتى لان المدونه تشد اى حد بجد ويتمنى انه يشوف الجديد الى فات امضاء المجهوله
عزيتي الفراشه
عارفه انا كلامك على الشفافيه صح بس انا كتبتها هنا لأنه اكتر وقت بنحسها اوي في القصه الممله وعشان تقريبا بتختفي بعدها وان كنت بحسها بتختفي مع ظهور مرحله الأبتسامه وقبل التناقض
:)
شكرا على المجامله وآه فيه فراشه قالتلي ان البوست حلو وان كنت مقصدش أتعب حد بكلامي بس حستني عايز اقوله
عزيزتي نور
عندك حق ساعات بحس اننا ساعات كمان بنستعجل نهايتها المره لأنها بتكون أخف من ألم التجربه نفسها ولأن بيكون ساعتها جوانا احساس انها لما تخلص يمكن يحي وراها بسرعه القصه الممله الجديده واللي بتحمل السعاده في بدايتها على الاقل
على الهامش
الله يسلمك
وحاضر هفتكر الكلام وان كان صعب تطبيقه ساعات
عزيزتي المجهولة
هي فعلا بتنتهي بوداع بس بيكون قاسي اوي يمكن قسوته تخف مع الزمن بس في بدايته بيكون صعب احتماله
اشكرك جدا على المجامله بس انا خايف تقري في مدونتي تتصدمي لأنها للاسف زي ما قولت في اول بوست هي نوع من الفضفضه مش كتر
على الهامش
هو انا طول عمري بكتب كومنتات من غير لينك في المدونات اللي متعود اقراها بس لو مجرد تلميح على مدونتك هيريحني من البحث المضني اللي ببحثه ده
Post a Comment