نقاهة ولا تفاهة

اشعر بالوحده

اشعر بالضعف

اشعر بالحزن

كفايه
كلها مشاعر سلبيه ومش عارف ليه مسيطره عليا

مش عارف ليه بتقتل البسمه فوق شفايفي

مش عارف ليه بتجر الدموع لعيوني
مش لازم استسلم

ده شهر التركيز
يمكن يكون ده السبب

يمكن يكون محاولتي للتركيز هي اللي وقعتني في شبكة المشاعر السلبيه اللي مش بتنتهي
بس انا بجد مش قادر
نفسي في فترة نقاهة
نفسي قلبي ميوجعنيش
نفسي دماغي متوجعنيش
نفسي احس بالراحه
بس دي تفاهة
ايه المشكله اللي بعاني منها

دي تفاهات
ايه المشكله اني وحيدالوحده شيء مش وحشبيدي فرصه اكبر للتأمل
مش هستسلم

لازم اقاوم
لازم ادور على الضحكة جوايا

لازم ادور على الطاقه

لازم ادور على مشاعر ايجابيه بدل المشاعر السلبيه

هقدر؟

يارب اقدر

على الهامش
دلوقت لاقيت تليوني بيرن بأخر رقم اتوقعه دلوقت ولو كنت نشرت البوست كنت قلت يمكن بشكل أو بأخر يكون وصل لمدونتي ويكون قرا كلامي وعرف اني وحيد وحزين
بس للاسف مردتش لأني مبقتش واثق اني ممكن اكون الحد اللطيف المسلي اللي عيونه قبل لسانه بتقول انه مبسوط