مش عارف ايه اللي جرالي
بغلط غلطات غبيه وملهاش اي لازمه
مش مركز
لأ هي الحقيقه اني دايما بتحجج بقلة التركيز لما أغلط كتير
مش عارف بجد مالي
بفتقد الرضا يمكن
الحمد لله على كل حال
خلاص ده شهر جديد وزي ما بدأت الشهر اللي فات وكلي تصميم على انه يكون شهر سعيد هيكون هدفي الشهر ده هو التركيز
عايز اركز في كلامي
واركز في تصرفاتي
واركز في كلام اللي حواليا
واركز في تصرفاتهم
عايز اركز على مشاعري
عايز اركزعلى مشاعر اللي حواليا
بجد عايز اركز
5 comments:
ربنا يقدرك وتقدر تركز اكتر
ومش عيب انك تغلط المهم انك تعرف انك غلطت علشان تقدر تصلح
ان شاء الله يوليو اسعد عليك من اى شهر قبله :)
على الهامش
بمناسبه رد البوست اللى فات
ماهى الامتياز دى كانت للمشروع انت بجد مش مركز لسه النتيجه ماظهرتش
وتانى حاجه
حكايه اننا مابنكشفش كل شخصياتنا لحد دى بتبقى مش باختيارنا وده لان كل موقف بيبين مننا حاجهولان مفيش حد بيشوف كل المواقف بالتالى مفيش حد بيشوف كل حاجه فيا وبيعرفنا بجد
فهمت قصدى؟؟؟
اسفه للتطويل
الشهر اللي فات كان هدفك تخليه فعلا شهر سعيد أد ما تقدر وناجح
و قدرت تعمل كدة
الشهر دة خلي هدفك الأهم موضوع التركيز وركز فيه أكتر،وإن شاء الله تقدر برده تحقق الهدف دة ببساطة
أتمنالك شهر يوليو سعيد وموفق إن شاء الله..بما إنك من محبي الصيف
مدونتك صحيت من سباتها لما كتبت فيها.. أتمنالك السعادة دايما
معلش على التعليق التاني دة
بس كنت حابة أقول إن القصة اللي بتقرأها حاليا شكلها ممكن تكون حلوة فعلا
رغم إني بصراحة مستغربة الاسم وحاساه مش عنوان قصة خالص!! زي مايكون مترجم حرفيا أو مش لايق كدة!! مش عارفة إزاي
وقت سعيد مع كتابك إن شاء الله :)
عزيزتي نور
:)
انا كنت اقصد التخرج بس غلطت في الكتابه واهو ده دليل على عدم تركيزي
عزيتي الفراشه
هو ان من محبي الصيف دي حقيقه بس الجو الرطوبه فيه عاليه اوي بصراحه
:)
مبيعجبنيش حال
اه عارف
:)
عندك حق جدا في كلامك عن عنوان الكتابه وده اللي اكتشفته لما بدأت اقرا ان الترجمه بشعه
وعشان كده لغايه دلوقت مقرتش غير صفحتين ومأعتقدش أني هكمل فيمكن أغيرها بحاجه تانيه
Post a Comment