محتار

محتار اوي ساعات أحس أني غلطت جدا لما انفعلت على حد معرفوش مش عشان حاجه غير عشان أنتقدني بشكل معجبنيش رغم اني في نفس اليوم سمعت من زميل في الشغل كلام أكبر وقادرت اتحكم في نفسي وما انفجرش فيه واقوله الكلام اللي مفروض اقوله ليه هو واللي زيه

وساعات احس اني مش غلطت ولكن اتصرفت تصرف من تصرفاتي التقليديه وهو اني انفجرت في وش حد ميملكش انه يرد عليا ولا هخاف اني شكلي مش يكون كويس اوي قدامه في حين ان زميلشغل هو راجل اكبر مني في السن وكمان هيفضل دايما قدامي فلو انفجرت فيه هيفضل دايما وجوده يفكرني بجريمتي واني مكنتش طيب معاه

وساعات اقول الموضوع مش كده الموضوع وما فيه اناللي كتبكومنت كان عندي ساعتها القادره اني اكتب والقدره على لكتابه غير القدره على الكلام وزميل الشغل زي ما قال الكلام اللي قاله يومها هيكرره اكيد في مناسبه تانيه وممكن ساعتها يكون عندي القدره على الرد

على كل انا اسف جدا لو كنت زعلت المجهوله اللي معرفهاش بس هو سوء توقيت مش اكتر وسامحيني مره تانيه عشان مش هقدر امسح الرد لاني متعودتش اني امسح لا ردود الناس ولا ردي عليهم بس احب اني اقولك حاجه اخيره مش عيب ولا غلط ولا حرام ان الراجل كمان يطلب الحضن

الاعتذاربيكون صعب حتى لو كان مجرد كلمه بتتكتب بس بيكون صعب اننا نقولها بالذات لو مقتنعين اننا غلطنا

مش عارف انا امتى هخرج من الدايره اللي دخلتها برجلي

اه من اليوم الاول وانا كنت شبه واثق من النهايه لان هو سيناريو واحد مفيش غيره بيتكرر دايما نفس البدايه ونفس النهايه ومع ذلك مبحرمش وكل مره أقول خلاص مش هصدق تاني حد وهحط الف حد وحد بيني وبين الناس وارجع تاني اكرر نفس المسلسل

بس المره دي كان الموضوع صعب لأنه من حد متوقعتش منه كده ولأنه كان بصوره متوقعتهاش

انا لسه فاكر ايام زمان لما كنت بقول ان يمكن يكون كل البشر فيهم نفس الداء وان كل واحد منهم بيحب يكون هو الضحيه مش هو الجاني ومنكرش اني في دي مختلفش عنهم كتير رغم اصراري الدائم اني مختلف بس دلوقت انا بعترف اني مكنتش ضحيه ميه في الميه

كنت دايما بفكر في جمله من روايه انف وثلاثه عيون عن البطله وكنت بقول مش ممكن ده يحصل في الواقع لكن لاقيته بيحصل حاجات كتير كانت تعدي عليا وانا ب روايه وتعلق في مخي واقول مش ممكن يكون في حد بالساذاجه دي وبعدين من تاني الاقيني بقع في نفس الفخ

انا مش عارف أعمل ايه

فين الصح وفين الغلط

مش فروض الانسان يشيل في قلبه حاجه وه من ناحيه حد بس الواحد غصب عنه بيشيل جواه حاجات وحشه

مش عارف الشر اللي جوايا وصل لغايه فين

انا خايف يكون الشر ملا قلبي خلاص

الايام اللي فاتت كل ما المكان يخطر على بالي اشغل نفسي بميت حاجه عشان مفكرش فيه وعملت كل حاجه ممكن تشغل وقتي عشان مفكرش وبرضه مكنتش مبسوط

النهارده قلت اسيب نفسي افكر يمكن لما افكر انسى

بس انا مش عايز انسى

والله ما بقيت عارف انا عايز انسى ولا عايز افضل دايما فاكر

انا لسه خايف

اللهم اني عبدك وابن عبدك ابن أمتك ناصيتي بيدك ماضى فيّ حكمك عدل فيّ قضاؤك أسألك بكل اسم هو لك سمّت به نفسك أو أنزلته في كتابك أو علّمته أحدا من خلقك أن تجعل القرآن ربيع قلبي ونور صدري وجلاء حزني وذهاب همّي وغمّي اللهم امين يارب العالمين اللهم

يارب

انا بجد محتار اوي مش عارف لسه بكره مخبي ايه

رغم كل اللي حصل لاقتني النهارده بفكر اتصل بالتليفون

فات تلاته ايام ومش مفروض ان الواحد يخاصم حد فوق التلات ايام بس كمان مش قادر

يارب وافقني لما فيه الخير