أنا خلاص بجد تعبت مش عارف ليه كله ده
الحمد لله على كل حال
هما عايزين مني أيه هو مش كفايه اللي شفته لغايه دلوقت
كل واحد يجي ويقول نفس الكلام ومستنين مني أيه
هو يعني أيه أني أحب أصلا
كنت زمان لما أخاف بس بيكون كفايه أني أكون في حضن حد أحس أنه بيحبني حتى ده كمان مبقاش ينفع هو مكتوب أني أفضل أخاف كده لغايه أمتى هيحصل أيه تاني أكتر من اللي حصل
كل يوم الواحد بيقول أن مفيش جرح تاني أكتر من كده أن الواحد مش هيتصدم في ناس تاني عشان مفيش أوحش من اللي شافه بس تاني أتجرح أكتر وتاني أعرف أن لسه في أوحش
متعب أوي أن اللي يجرحنا حد قريب مننا ومتعب أوي أنه يفتكر أنه كده بيداوي جروحنا
هو الواحد بيختار أيه ومبيخترش أيه
أنا مخترتش ملامحي ورغم أختياري لتصرفاتي بس برضه مش هغيرها حتى مع كل اللي بيحصل أنا مصمم مغيرهاش وخايف مع الأيام يكون تصميمي نابع بس من منطلق أني مش عايز أنفذ اللي بيطلب مني
التفسير كان المره دي جديد
واللهي تعبت ومبقتش قادر أستحمل أنا مش بطلب المستحيل
أنا عايز اعيش في حالي
هو ده كتير؟
ايه الحلاوه دي؟
أد ايه بتجرح الجمله دي وبالذات لما تكون مش من غير سبب
أنا مش عايز أكلم حد ومش عايز أعرف حد ومش عايز حد يكلمني أنا هايز أبعد بعيد أوي وابقى لوحدي
بس ده مش حال
أنا عارف أنه مش حال وأني بس بقول كده عشان تعبت
