الكوميديا الشيطانية

كنت في يوم من الايام في المكتبه ومستعجل شويتين فشديت كتاب من غير ما اتأكد ايه نوعه بس عشان كان محطوط في صف الروايات وبعد ما مشيت وفتحت الكتاب وقريت صفحتين لاقيت الكلام غريب بجد فرجعت تاني وقريت على الغلاف لاقيت مكتوب

الكوميديا الشيطانيه

هاني الرفاعي

واللي أكتشفت انه هو اكيد المؤلف مش محتاجه ذكاء مني يعني

ودار ميريت وهنا بدأت أشك لأن من خبراتي معاهم انهم لازم يكتبوا كلمه تانيه على الغلاف دورت كويس لغايه ملاقيتها

تجليات أدبيه

لأأأأأأأأأأأأأأأأأأأأأأأأأأأأأأأأأأأأأأ

أنا كده واثق اني مش هفهم حاجه من المكتوب

وبعدين قررت اني اقرا الملخص اللي مكتوب على ضهر الكتاب وهذا هو ما كان مكتوب

حبيبه تخرج من بين الضباب الأرجواني تغتسل بالدم، تشرب الصدي، تلبس عقود العاج وتلقي بالبخور المقدس داخل مبخره سحريه، نمارس طقوساً شيطانية أمام أحد السحرة، أشارك حبيبه فيما تفعله، نقدم الأطفال قرابيناً للنيران، نقرأ الأوراد والطلاسم، نرسم بالطين على أجسادنا، ندق الوشم على ظهورنا، على أنغام الطبول الأفريقية نرقص كقرود بدائية حول النار، نبحث عن كل السحرة على وجه الأرض، ندخل الكهوف، نبول في القدور، نلوك القات، نشرب دخاناً أزرق، نستنشق رائحة الدم الفاسد النازل من أرحام النساء، ننبش القبور، نوقد ناراً بعظام الموتى، نستخرج أسنان الموتى نلقيها وقودا للنار مع البخور الجاري، المستكه وعين العفريت

حاجه مقرفه بجد

ولسه اللي كان جوه الكتاب كان بشع بكل المقاييس

الغريبه اني برضه مفهمتش في الآخر هو ايه اللي هيحصل

وده كان درس نطلع منه بحاجه واحده وهي ان اي كتاب عليه جمله تجليات ادبيه منحاولش نفهمه