لو واحد زعل من حد مفروض يفكر
في نفسه انه زعلان ومش عايز أي حاجه غير شويه وقت يقألم نفسه
ولا
في نفسه برضه انه زعلان ولازم ينفجر في الآخر ويقول انه زعلان من كذا وكذا وكذا
ولا
في نفسه برضه انه زعلان ومش هيعمب اي حاجه قبل ما الطرف التاني يحس بغلطته
ولا
في الآخر اللي أكيد متضايق من شيء ما انت عملته أو قلته أو مقلتوش أو معملتوش
ولا
في الآخر برضه اللي اكيد ليه حق عليك بشكل أو بآخر أنك تكون جنبه في كل وقت سواء كان محتاجك أو لأ
ولا
في الآخر برضه لأن خيركم من يبدأ بالسلام
للأسف أنا مش عارف
5 comments:
المفروض تكون جنبه في كل وقت سواء محتاجلك أو لأ
دة بتهيألي الصح
:(
بس كمان سيبه لوحده يهدى و يفكر. و انت كمان تهدى...بس في نفس الوقت قولـله إنك موجود لما يحتاجك هيلاقيك
لو هو فعلا غالي عليك يبقى عمرك ما تسيبه لوحده
:(
ربنا يفرج همك و هم كل الناس
البوست مش كان ظاهر عندي في الأول. مش عارفة ليه!!
السلام عليكم
على فكره انا قريت البوست ده وانا كنت لسه راجعه من بره وحصلى موقف رجعت لقيتك كاتب كلام بيدور جوايا فاتخضيت وماعلقتش
وقلت توارد خواطر للمره التالته!!
عارف ؟
الواحد بيمر بكل المراحل اللى انت قلت عليها دى
اول مرحله لما بتكون الصدمه والزعل لسه حاصلين فبنفكر فى احساسنا وبس غصب عننا
وبعد شويه لما نقعد مع نفسنا ونفكر شويه نقول لازم لاننا حاسسين اننا مانقدرش نستغنى عن الاخر يبقى هقعد انفجر لحد مااخلص كله حاجه علشان استريح
وبعد شويه صغيره نكون هدينا شويه وتاخدنا العزة بالاثم ويركبنا العناد ونقول مش هناخد خطوه الا لما يعتذر
شويه ونهدى اكتر ونبتدى نحس اننا محتاجين اللى احنا زعلانين معاه لاننا مش متعودين نعيش من غيره فنقعد نتلكك ونقول مااحنا كمان كنا غلطانين او نغلط نفسنا بالعافيه علشان نلاقى مبرر يخلينا نكسر العزة دى شويه ونرجع
بس اول مابنلاقيه محتاج لنا بنرجع من غير مبررات ولا تلاكيك ولا اى حاجه وبنكسر العزة والعناد بايدينا
عارف ليه؟
لاننا احنا اللى اخترنا من الاول نبقى معاهم ونقاسمهم فرحهم وزعلهم
واتعودنا ان لحظاتنا الحلوة بتبقى مرتبطه بوجودنا معاهم ولحظات حزننا برضو مرتيطه بوجودنا مع بعض
انا طولت اوى
بس انت نسيت تقول حاجه واحده بس
"لو جه الوقت اللى الطرف الاخر حس فيه انه جرحنا اوى اوى وفضل مكسور قدامنا وزعلان ومعترف بغلطه ورجع ندمان وبيعتذر بكسره جامده نقوم احنا ننسى زعلنا منه ونزعل اكتر لان حد غالى عندنا اوى كده مكسور اوى كده!!"
ساعتها هنعمل ايه؟
حسيت الاحساس ده قبل كده؟!
:(
معلش طولت
بس انا كمان تعبانه زيك كده:(
عزيزتي الفراشه
المشكله ان الواحد مش بيكون واثق ان الطرف التاني لما هيأخد وقته هيفكر في الموضوع
زي ما انا واثق اني مش هكون موجود "كالعاده" لما ايحتاجني
هو الظاهر البوست عشان مظهرش عندك في البدايه فالمدونه بتاعتي زعلت ورفضات اني اكتب فيها من يومها
:)
على الهامش
من يومين كنت بقلب في روايه جديده واندمجت فيها لدرجه اني نسيت نفسي في الميكروباص لغايه ما وصل نهايه الخط هو اي نعم مش بعيد عن لابيت اكتر من عشره متر بس برضه الفكره في اني نسيت نفسي
فساعتها عملت ايه
ابتسمت
وفرحت اني ابتسمت اكتر من فرحتي بسبب الابتسام عشان كده لاقيت سبب جديد يجعلني ابتسم انتي نسيتي تذكريه
وهو لما بننسى دنيتنا ونعيش في دنيا تانيه
دنيا على الورق
عزيزتي نور
عليكم السلام ورحمة الله وبركاته
فينك؟
مختفيه ليه
ولا الامتحانات هي السبب
يارب تكون الامتحانات كلها صعبه
على اساس انك شاطره ومش هتفرق معاكي وهتحلي كويس مش كده
على الهامش
كلامك اكتر من اني ارد عليه بكلمات هو يستاهل انه هو لوحده يكون البوست لأنك عبرتي عن الموضوع بكلام اكثر تعبيرا
بس يمكن عندك حق يمكن عشان انتي كمان موجوعه
متغبيش كتير
Post a Comment