بعد الفراق

أمبارح وانا مستلقي على السرير بعد مكالمة هاتفيه اثرت شويه فيا سمعت لقطات من مسلسل بعد الفراق لهند صبري وخالد صالح وقبل ما أقول على اللقطه أحب أوضح خلفيه مهمه من المسلسل

هند في المسلسل أسمها سكره وبتحب الدراسه وبابا هي توفي فعم هي أتجوز ماما هي وأخد فلوسهم ومش بقى عايز يصرف عليهم وكان عايز يجوزها وقعدها من التعليم فهي راحت عند واحده بقت بتشغلها في الخدمه في البيوت عشان تقدر تصرف على نفسها وتكمل تعليمها وفي نفس ذات الوقت هي بتحب خالد صالح اللي هو يبقى قريبها بس مكنش ينفع تتجوزوه لانه كان لسه بيدرس وعايز يبقى صحفي مشهور المهم في بيت من البيوت اللي أشتغلت فيهم كان أصحاب البيت بيعملوا قعدات قمار في البيت فهي طبعا قررت انها تسيب البيت ده

نرجع بقى للقطه اللي سمعت جزء منها مع ضروره التأكيد على قصه الحب

هند أو سكره يعني بيتلفق لها قضيه سرقه والبوليس بيحقق معاها في السرقه وهي طبعا بتردد القول المأثور بريئه بريئه
أنا خرجت ووقفت قدام التلفزيون أصل في بيني وبين الظلم والقهر معزه كبيره
لاقيتها خارجه بعد ما حققوا معاها ولاقيت خالد صالح اللي هو يوسف واقف مستني واللي بقى محامي بيشق طريقه وقالتلهيوسف شوفت اللي حصليوهنا ظهر زميل صحافي للبطل وقاله وفي عينيه نظره شك أيه ده أنت تعرف المتهمه؟فقاله أه بنت ناس بلديتنافرد زميله وقاله أه يعني كانت بتخدم عندكمفقاله وبكل بجاحه حاجه زي كده
أنا طبعا لم أتمالك نفسيمش عارف من تأثير مكالمه التليفون ولا من تأثير الموقف
بس ليه بيحصل كده
أزاي ممكن تكون مستني كلمه من حد وهتفرق معاك كتير بدل ما يقولهالك يقولك كلمه تانيه تبعدك أكتر
ليه ممكن نكون شايفين نفسنا غاليين عند حد ويمكن فعلا نكون غاليين بس محتاجين نسمعها وبدل ما نسمعها نسمع أننا اقل من أي حد
الوحد بيكون نفسه ساعات في شويه حنان ويتكسف يقول أني بجد نفسي في حضن ينسيني همي ويفضل مستني أن حد يحس بيه وياخده في حضنه والأنتظار يطول والحضن ميجيش وأحيانا بدل الحضن يجي عاصفه وتقوله مش مفروض تطلب ومش مفروض تفكر

على الهامش

هو عيب أن الواحد يقول أنه بيفتقد الحنان

هو غلط اني أستنى أسمع كلمه كويسه حتى في وجود تصرفات كويسه

هو لازم الواحد يقول أنه زعلان عشان حد يفكر يسأله أنت زعلان من أيه