امبارح
شفت فيلم حب البنات ورغم اني شفته كتير قبل كده كتير بس لفت نظري لقطه معينه
كانت بين هانا شيحه واسمها في الفيلم روقا مش عارف بالقاف ولا الكاف بس هي دلع رقيه وبين اشرف عبد الباقي مش عارف كان اسمه مهيب ولا مجيب المهم انها كانت بتحكيله عن كريم اللي هو خالد ابو النجا وبتقوله
بيقولي ببقى مبسوط اوي وانا معاكي واقوله وانا كمان
ويقولي عايز افضل معاكي على طول واوقله وانا كمان
وبيقولي وبحبك وطبعا برضه كان ردها وانا كمان
بس هي مش حاسه بده او مش اللي يقصده هو بس مع ذلك هي مكمله عشان عايزه تعيش التجربه دي عايزه تسمع كلام زي اللي بيقولهولها وتقول كملام زي اللي بتقولوهولوا
وده اللي شدتني لان هي دي مشكلتي مع الحياه وانا جاي الصبح في المترو على الشغل كنت بفكر في الكلام ده وتحديدا في ان ازاي ممكن نكون بنقول كلام مش بنحسه
طيب ليه نقوله؟
على الهامش
شفت فيلم حب البنات ورغم اني شفته كتير قبل كده كتير بس لفت نظري لقطه معينه
كانت بين هانا شيحه واسمها في الفيلم روقا مش عارف بالقاف ولا الكاف بس هي دلع رقيه وبين اشرف عبد الباقي مش عارف كان اسمه مهيب ولا مجيب المهم انها كانت بتحكيله عن كريم اللي هو خالد ابو النجا وبتقوله
بيقولي ببقى مبسوط اوي وانا معاكي واقوله وانا كمان
ويقولي عايز افضل معاكي على طول واوقله وانا كمان
وبيقولي وبحبك وطبعا برضه كان ردها وانا كمان
بس هي مش حاسه بده او مش اللي يقصده هو بس مع ذلك هي مكمله عشان عايزه تعيش التجربه دي عايزه تسمع كلام زي اللي بيقولهولها وتقول كملام زي اللي بتقولوهولوا
وده اللي شدتني لان هي دي مشكلتي مع الحياه وانا جاي الصبح في المترو على الشغل كنت بفكر في الكلام ده وتحديدا في ان ازاي ممكن نكون بنقول كلام مش بنحسه
طيب ليه نقوله؟
على الهامش
5 comments:
سلام عليكم
مش عارفة ليه بصراحة
بس ممكن يكون اللي انت قلته دة سبب فعلا..ساعات كتير بيكون الواحد عايز يحس إنه محبوب و إن فيه حد بجد بيهتم بيه، قيقرر يكمل في تمثيلية هو عارف إنها مش هتكمل وتكون نهايتها وردية
عشان الناس كلها بقت محتاجة تحس أوي أوي بالمشاعر المفقودة في زحمة الدنيا
بس دة في نفس الوقت مش عذر..لأن نهاية قولك لكلام مش بتحسه هتكون جرح كبييير أوي...لو مش ليك، هتكون للي بيسمع الكلام اللي مش حقيقي
من ناحية تانية بأة...ساعات بنقول كلام مش بنحسه عشان نقنع نفسنا بيه مش أكتر، زي لما تقول إنك فرحان و انت مش طايق نفسك :) بس عشان تحاول تقنع نفسك بالإحساس دة ادماتقدر وفي نفس الوقت متضايقش اللي حواليك
أنا شخصيا عمري مابعرف انطق كلمة غيرلما أحسها جدا
كفاية كلام كدة عشان مش كل مرة تعليق طويل بأة :).بحس لما حديتخنق مني..ومش عايزة الإحساس دة يزيد
سلام يامقيد بأحلى أحاسيس
ازيكم جميعا
اولا انت بتتكلم عن فيلم انا بعشقه بشكل غريب لان فيه حاجات كتير و احاسيس اكتر ررررائعة جدا بالنسبة لى ع الاقل
ثانيا فعلا انك تقول كلام مش حاسه دى مشكله مش بس بالنسبة للى بيسمع لا و ليك انت نفسك كمان لان مع الوقت صورتك ادام نفسك هتتهز ومش هتبقى عارف انت مين و عايز ايه و ده ف نظرى الاهم ف الموضوع
صحيح الطرف الاخر مهم اكيد لكن فقدانك لنفسك اعتقد اهم
المصيبة بقى ان يبقى الكلام اللى جواك ع طرف لسانك و خلاص هتقوله و تلاقى نفسك بتقول كلام تانى . ليه ؟ مش تعرف
و ده اللى انا احيانا اواجهه ف نفسى
عزيزتي الفراشه
بقالي كتير غايب ورغم اني زورتك الاول وزعلت عشان قرارك اللي يارب ما تنفذيه بس اول ما وصلت هنا وقريت تعليقك حسيت بالراحه يمكن عشان طمنتيني ان في حد تاني - بعد حاتم علشان انا اتناقشت معاه في الموضوع ده- مقتنع بأن مش مفروض نقول كلام مش بنحسه وبكده ممكن في يوم نبقى اغلبيه
وده كان ردي على الجزء الاول الخاص بالمشاعر المفقوده
أما عشان نقنع نغسنا فانا للاسف من النوع ده
هو مفروض معملش كده؟
انا مكنش عندي شك انك مش بتقولي غير اللي بتحسيه وانا مع ان ده شيء رائع
بس والله مش بيبقى قصدي اكدب او امثل بس ببقى ساعتها بفكر ليه اضايق اللي قدامي مكفايه اللي هو فيه
وعلى الرغم من ان حاتم مصمم اني ممثل فاشل بس انا على الدرب قائما وهاظل على العهد وفيا والله مش مكابره وخلاص ولكن يمكن لاني لما بمثل اني مبسوط بعد شويه بنسى اني بمثل وببقى مبسوط فعلا
تحياتي
على الهامش انا بحبك تطولي والله ده غير اني دايما بطول فكده هحس بالذنب اني انا اللي بكتب تعليقات طويله زياده عن اللزوم
عزيزتي شيما
نورتينا
بس سؤال لما قلتي ازيكم جميعا كنتي تقصدي مين؟ أكيد مش انا لوحدي
عندك حق بس تعرفي انا كمان بيكون الكلام على طرف لساني واقول غيره
وبرضه هيجنني الموضوع ده
تحياتي
سلام عليكم
إزيك؟؟
ردا على سؤالك "هو المفروض معملش كدة؟"...هقوللك معرفش!! أنا كل اللي قلته إني مش بعرف أعمل كدة. بس دة طبعا مش شرط يكون صح خالص
بالعكس...ساعات كتير بتمنى لو أعرف أمثل بحاجة غير اللي جوايا، مش نفاق..بس زي مابتقول..هو بس عشان متضايقش اللي حواليك أكتر، يعني لو التمثيل في الحاجات البسيطة دي مش شايفاه هيكون غلط...بس أكيد لو التمثيل في الحب و الاهتمام وكدة تبقى وحشة أوي أوي
دة رأيي، ومش كنت ناوية أكتب تعليق تاني على البوست عشان مش تزهق بس كتبت دة للتوضيح مش أكتر
Post a Comment