أوقات كتير بجرح كل اللي حواليا من غير ما أقصد
ساعات أكون عايز أقول بحبك أقول بكرهك
ساعات أكون عايز أقول أه وأقول مكانها لأ
ليه الإنسان بيسيب نفسه على سيجيتها مع الناس
من هنا ورايح مش هكون مع الناس غير زي ما الناس عايزني أكون
مش هكون أنا هكون أي حد غيري أنا
4 comments:
انا ساعات كتير باعمل تاتش من صاحبي عشان كده
يمكن تقدر تقول ان كل خلافاتنا على الموضوع ده
بالعكس المفروض تسيب نفسك على سجيتها بس كمان ماتفترضش ان الناس ممكن تفهم انك بتحبهم وانت بتعاملهم بحده
ومش ممكن تلتمسلك عذر وهما شايفين انك قاسي ف تعاملك معاهم
اللي اقصده ان الناس كمان بيبقى محتاجه حد يقولها كلام كويس وبتبقى منتظره ده من الناس اللي بتعزهم
فماتعتمدش على انهم عارفين
فكرهم
وكون انت
انت الكويس المراعي الخدوم
مش انت كده ولا ايه
الناس عايزاك زي ما جوه يكون كمان بره
مش كفايه تكون بتحب حد المهم انك توصله الاحساس ده
ربنا يوفقك
إنسان مقيد
سلام عليكم
مش عارفة.. بس رأيي انك لازم تفضل على طبيعتك. بصراحة جدا انك تكون على طبيعتك و مش تمثل ولا تفكر كتير ادام الناس دي فعلا حاجة بتعمل مشاكل كتير. :) مش هقول اني بنصح وخلاص.. لأني شخصيا كمان بواجه مشاكل كتير بسبب التصرف على طبيعتي... بس مازلت شايفة ان دة الصح
حتى لو الناس زعلت منك في وقت من الاوقات... كفاية اوي انهم يكونوا عارفين انهم بيكلموا واحد صادق جدا و مش بيحب اللف و الدوران في الكلام. و دة هيخليهم في عز زنقتهم يلجؤوا ليك انت، لأنك صادق و شفاف و مش هتخدعهم
مش عارفة عرفت اوصل اللي اقصده ولا لأ :) . يارب تكون فهمت قصدي لأني فعلا عايزة اوصّل حاجة!! بس مش عارفة اوصلها صح اعتقد
تحياتي للبلوج الصادق دة
عزيزي
ربنا يكرمك بس أنا مش زي ما أنت بتقول خالص بل على العكس أن من أكثر الشخصيات شراً في هذه الدنيا
وهحاول أنفذ كلامك وأعبر للناس عن اللي بحسه نحوهم بس أختلف معاك في أن الناس عايزنا نكون على طبيعتنا بل على العكس الناس عايزنا نمثل عليهم وبيطلبوا ده بكل برود بس أوعدك اني أحاول أكون أنا
عزيزتي
لقد وصلني ما وودتي التعبير عنه ولكن أسمحيلي لما نترك أنفسنا لمثل هذا العذاب لما لا نكون مثلهم ولكن هل يا ترى نستطيع لقد مللت من المحاوله ولكني سأحاول حتى أكون مثلما يريدون لل مثلما أريد
اشكرلك مرورك
Post a Comment