يعني أيه أنا أسف؟
ليه الناس ممكن تغلط وتيجي تعتذر وتشوف أن أقصى حاجه ممكن يعملوها أنهم يقولووا أنا أسف؟
ليه من حقهم يغلطوا ومش من حقنا أننا نزعل؟
ليه بيستكتروا علينا اننا ناخد وقتنا في الزعل؟
ليه اللي بيعتذر ميدورش على الطريقه اللي يعتذر بيها زي ما دور على الطريقة اللي يجرح بيها؟
ليه ؟
كل واحد فينا بيغلط عشان أحنا بشر مش ملايكه. لازم نسامح طبعا لأننا لو مسامحناش منبقاش بشر
بس كمان من حقنا أننا نزعل شويه من اللي حصلنا ونزعل أكتر لو الل زعلنا بس جاي يقول أنا أسف ومستنينا نفتح الباب ونقول وأحنا كنا مستنين اللحظه دي
من فتره وانا أي حد بيجي يعتذرلي عشان حاجه ارد عليه واقوله وانا مقبلتش أسفك
أولا عشان مش عارف أسفك على أيه؟
أيه تحديدا اللي أنت شفته غلط جاي تعتذر عليه
ويجنني لو كان الرد أي حاجه غلط ممكن اكون عملتها
يانهار أبيض
كمان مش عارف أيه تحديدا عملته
طيب معناه ايه الاعتذار في الحاله دي
تاني سبب بيخليني مقبلش الاسف أنه ميكونش صادق
أنت ممكن تخبط باللغلط في حد وتعتزر وأسفك يكون صادق وممكن تقتل أنسان
آه تقتله
أسمي بأيه إنسان ينعدم ثقته في كل الناس بسبب مواقف بيشوفها منهم غير إنسان ميت
وفي الآخر تيجي اللحظه وتقول أنا أسف
ليه؟
ليه لو كان التصرف الغلط اللي أنت عملته وجاي تعتذر عليه يكون أعتذارك في صوره تصرف صح بتعمله
على الهامش
بتفرج الأيام دي على مسلسل
Make it or break it
مجموعه بنات بتلعب جمباز
كايلي ولورين بنتين صحاب من وهما صغيرين
كايلي بتحب كارتر
كايلي أتخنقت خناقه عابره مع كارتر
كارتر عمل علاقه في اليوم ده مع لورين
الاتنين خبوا الموضوع عن كايلي
كايلي عرفت وزعلت من كارتر
أعتذر
زهق أنها مش عاوزه تسامحه
ياااه
تصدق أنك بارد
أنت غلطت وعارف أنك غلطت
وكمان بتلومها
بيقولها أنا جرحتك وانتي كمان بتجرحني كل يوم من بعدك عني
لأ بجد انت بارد
