اليوم السادس

النهارده يوم صعب

ربنا يقدرني ويصبرني

يارب مغلطش في حد تاني النهارده عشان خلاص انا مش مستحمل

اليوم الخامس

وانا اللي كنت بشتكي من اليوم امبارح طيب النهارده يتقال عليه ايه؟
يعني هلاقيها من المهندس الخياط ولا من المهندس عبد الخالق ولا من هاري ولا من برند ولا من محي
تعبت بقى
ارحموني يرحمكم ربنا

اليوم الرابع

امبارح كان يوم صعب جدا

والنهارده شكله اصعب

الخطبه اللي في جلسه الاستراحه امبارح لصلاة التراويح كانت عن سيدنا سليمان وازاي هو كان مسخر الجان ولما الجن اشتكوا لأبليس قالهم بتشتغلوا بالنهار وتستريحوا بليل فقالوا أه فقالهم انتم مستريحين فسمعهم سيدنا سليمان فسخرهم بليل والنهار فلما اشتكوا مره اخرى لأبليس فقلهم بتذهبوا محملين وتعودوا فارغين فقالوا أه فقالهم انتم مستريحين فسمعهم سيدنا سليمان فسخرهم بليل والنهار محملين ذهابا وايابا

كل اللي فكرت فيه ساعتها ان مفروض اللي يشتكي في شركتنا يتعمل فيه كده

بس مكنتش اعرف انه هيجي على دماغي النهارده

اليوم الثالث

النهارده اول يوم بعد رجوع المهندس محي من اجازته

واول يوم بعد رجوه احمد من اجازته

عقبالي لما اخد اجازتي

اليوم الثاني

النهارده اليوم الثاني في رمضان
الأول في الشغل في رمضان
الأول بعد رجوع هاري من ماليزيا
الأول في اجازه المهندس الخياط


اللهم اهدني

فانوس رمضان

يشبه فانوس كان عندي زمان