متضايق أوي
مش عارف أبدأ بأيه
نفسي أحكي حجات كتير أوي من كترها مش عارف أبدأ بأيه
حاتم مسألش عليا طول اليوم أمبارح
يعني لو كنت مت كان هيعرف بعدها بأكتر من أربعه وعشرين ساعه
عندي أحساس بالوحده فظيع
مش عارف ليه دلوقت فتحت المدونه للكل
لسه تعبان مش قادر أكتب
ولا قادر أشتغل
المهندس خالد كان لسه بيكلمني يسألني هفطر أيه وقولتله تعبان مش هقدر
مخنوق أوي
يارب
بقالي كتير مش بدعي ربنا
عشان عارف أني مقصر بس مش مفروض أبطل دعاء
أنا عارف أني برتاح لما أدعي وبرتاح لما أصلي في جماعه في مسجد بحس بسكينه وراحه
أيه المشكله لو الواحد عاش طول الوقت وحيد
المشكله أني لسه بستنى
بستنى الناس وأهتمامهم
بستنى تصرفات معينه
والمشكله الأكبر
أني لسه بصدقهم
بصدق كدبهم
ونفاقهم
رغم أقتناعي أن الكل بيكدب
الكل بلا أستثناء
بكتب على الكيبورد ومش حاسس بصوابعي وحاسس أن دماغي وزنها طن ومش قادر أحرك جسمي أجيب الدوا من الشنطه
أحساسي بالوحده دلوقت صعب أوي
يمكن أكتر من دور البرد
الناس موجوده عند حاتم
سامع صوتهم
حطيت السمعات على وداني
وبعدين خفت حد يزعل لو جيه يخبط على الباب ومردتش وساعتها محدش هيفكر أني مسمعتش
لسه بفكر في الناس
اد ايه انا شخصيه ضعيفه
عمري ما غيرت من حاتم
بالعكس طول عمري أحبله أكتر من اللي أحبه لنفسي
مش متضايق من وجوده مع الناس زي ما انا متأكد أن مش ده سبب أني وحيد
بس بكره الكدب
مش عاوز حد يكدب عليا تاني
ومش عاوز أصدق كدب حد تاني
أنا لوحدي أوي دلوقت
كنت زمان في حاله زي دي هدور على حد على النت
أكلمه وأسمعه ويسمعني
حتى لو كدب في كدب
وهصدق اللي هسمعه
أو أروح لأحمد وأكدب على نفسي وأصدق الكدبه
بس كل اللي عاوز أعمله دلوقت
أني أفضل كده ورا شاشه الكمبيوتر وقدام الكيبورد
حتى لو مش بكتب حاجه
حتى لو مش بقول حاجه غير أني مخنوق
مخنوق جدا
حتى الشغل مش ليا نفس ليه
أخدت في اليومين دول كميه مسكن رهيبه
كل كم ساعه باخد قرصين باندول
ومع ذلك مش حاسس بأي تأثير للمسكن
كل اللي حاسس بيه مزيد من الأالم والخمول
نفسي أختفي
عندي شعور بأن ده ممكن يكون حل
أستغفر الله العظيم
أنا عارف أن الإنتحار فكره سخيفه وعمري ما هكون بالقوه أني أنفذها
هفضل خايف
بس الدنيا دي وحشه أوي
غريبه وانا بكتب الجمله دي الأغنيه اللي شغاله في الخلفيه هي أغنيه أنغام الدنيا حلوه والله حلوه أوعى تسيب نفسك وتسلم
